يسلامحان – ترانسفەرلىك قۇنى جوعارى قازاقستاندىق فۋتبولشى

«قايرات» فۋتبول كومانداسىنىڭ كاپيتانى باۋىرجان يسلامحان باعاسى قىمبات قازاقستاندىق فۋتبولشى اتاندى, دەپ حابارلادى vesti.kz. Transfermarkt مالىمەتى بويىنشا ونىڭ ترانسفەرلىك قۇنى 1 ميلليون ەۋرودان 1,8 ميلليون ەۋروعا كوتەرىلدى. بۇعان دەيىن قازاقستاندىق ويىنشىلاردىڭ ىشىندە «استانانىڭ» قورعاۋشىسى دميتري شومكونىڭ دا باعاسى وسى شامانى قۇراعان. قازىر شومكو مەن «استانانىڭ» تاعى ءبىر قورعاۋشىسى يۋري لوگۆينەنكونى ساتىپ العىسى كەلگەن كلۋب 1,2 ميلليون ەۋرو تولەۋى قاجەت. سايكەسىنشە, قوس فۋتبولشى قىمبات ويىنشىلار تىزىمىندە ەكىنشى ورىنعا جايعاستى. ال جاقىندا عانا رەسەيدىڭ «روستوۆ» ۇجىمىنان اۋىسىپ كەلگەن «قايرات» قاقپاشىسى ستاس پوكاتيلوۆ پەن «استانا» فورۆاردى رومان مۇرتازاەۆتى Transfermarkt 1 ميلليون ەۋروعا باعالادى. ايتا كەتەيىك, 2016 جىلدىڭ قاراشا ايىندا الماتىلىق كلۋب باۋىرجان يسلامحانمەن 2019 جىلدىڭ 30 قاراشاسىنا دەيىن كەلىسىمشارت مەرزىمىن ۇزارتقان. ول 2014 جىلدان بەرى جۇزدەن استام ماتچقا قاتىستى. سونىمەن قاتار, وتكەن ماۋسىمنىڭ قورىتىندىسى بويىنشا قازاقستان پرەمەر-ليگاسىنىڭ ۇزدىك ويىنشىسى اتاندى.