اتىراۋدا ەرىكتىلەر 25 وتباسىن قۇتتىقتادى

اتىراۋلىق ەرىكتىلەر ومىردە ءتۇرلى قيىندىقتارعا كەزدەسكەندەرگە قول ۇشىن سوزادى. ولار وزدەرىنىڭ ارەكەتتەرىن جارنامالاي بەرمەيدى. دەگەنمەن, جاقىندا اتىراۋ تۇرعىندارىنىڭ ءبىرى اياز اتانىڭ ءرولىن ويناپ, ەرىكتىلەرمەن بىرگە بىرنەشە وتباسىنا قولداۋ كورسەتۋ شاراسىنا قاتىستى, دەپ حابارلادى قازاقپارات. «بۇل مەنىڭ ومىرىمدەگى بولىپ جاتقان ەرەكشە جاڭا جىل. قايرىمدىلىققا ءوز قالتامىزدان قارجى جينايمىز. وعان ازىق-ت ۇلىك, كيىمدەر مەن ءتاتتى تاعامدار الىپ, كومەكتى قاجەت ەتەتىن زەينەتكەرلەردىڭ, جالعىزباستى انالاردىڭ, كوپبالالى وتباسىلاردىڭ ۇيلەرىنە بارىپ, سىيلىق جاسايمىز. ءسويتىپ, 31 جەلتوقسان كۇنى ساعات تاڭعى 10-دا باستالعان مارافون 1 قاڭتار كۇنى تۇنگى 2-لەرگە تامان اياقتالدى»,-دەپ جازدى سەرىك ەرمەنتاەۆ. ونىڭ سوزىنشە, جاڭا جىل تۇنىندە ەرتەگىلەردىڭ كەيپىنە ەنىپ كيىنگەن ەرىكتىلەردىڭ 9 كومانداسى ءتيىستى مەكەنجايلارعا بارىپ قايتتى. «ءبىز 25 وتباسىنا كىرىپ شىقتىق. وعان بارلىعى 30 ادام قاتىستى. ءار كوماندادا مىندەتتى تۇردە اياز اتا مەن اقشاقار بولۋى كەرەك. ولار مىقتى كوماندا جانە ماعان وسىنداي كەرەمەتتىڭ كۋاسى بولۋعا مۇمكىندىك جاساعاندارىڭىز ءۇشىن زور العىس»,-دەدى ول.