اتىراۋلىقتار ۇلكەن تەننيس وينايدى

سپورتتىڭ بارلىق ءتۇرى دە پايدالى ەكەنى دالەلدەنگەن. الايدا, اتىراۋدا كەنجەلەپ قالعان سپورتتىڭ قاتارىنا ۇلكەن تەننيستى دە جاتقىزۋعا بولادى. ەندى سول ولقىلىقتىڭ ورنىن تولتىرادى دەگەن ۇمىتپەن ارنايى سالىنعان ورتالىقتىڭ اۋماعى 4,9 مىڭ شارشى مەتردى, ال جەر تەلىمى 2,1 گەكتاردى قۇرايدى. باس مەردىگەرلىككە تاڭدالعان «باتىساليانسستروي» جشس جۇرگىزگەن سپورت نىسانىنىڭ جوباسىن «پوليمەر» سەرىكتەستىگى دايىنداعان. ۇلكەن تەننيس فەدەراتسياسى اتىراۋ وبلىستىق فيليالىنىڭ ديرەكتورى ۆەرا تيحوميروۆانىڭ ايتۋىنشا, تەننيس كورتىنا «Green Set» ماركالى جوعارى ساپالى جابىندىسى پايدالانىلعان. ويتكەنى, شەتەلدىك مامان-ساراپشىلار تەننيس كورتىنا ءدال حالىقارالىق تالاپتارعا سايكەس كەلەتىن ءدال وسى ماتەريالدىڭ توسەلگەنىن قالايدى. سول سەبەپتەن, اتىراۋداعى تەننيس كورتى شەتەلدىك ساراپشىلار تاراپىنان بىرنەشە رەت تەكسەرىلگەن. تەننيس ورتالىعىندا 8 كورت بار. ونىڭ تورتەۋى جابىق كەشەننىڭ ىشىندە, تاعى تورتەۋى جازعى الاڭدا ورنالاسقان. ۇلكەن تەننيس سايىستارىن ءبىر مەزگىلدە 300 ادامنىڭ تاماشالاۋىنا مۇمكىندىك جاسالىپ وتىر. جولداسبەك شوپەعۇل,  «ەگەمەن قازاقستان» اتىراۋ