قازاقستان رەسپۋبليكاسى ۇكىمەتىنىڭ قاۋلىسى №720

2011 جىلعى 27 ماۋسىم, استانا, ۇكىمەت ءۇيى پايدالى قازبالار جاتقان الاڭداردا قۇرىلىس سالۋعا رۇقسات بەرۋ قاعيداسىن بەكىتۋ تۋرالى «جەر قويناۋى جانە جەر قويناۋىن پايدالانۋ تۋرالى» قازاقستان رەسپۋبليكاسىنىڭ 2010 جىلعى 24 ماۋسىمداعى زاڭىنىڭ 16-بابىنىڭ 18) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1. قوسا بەرىلىپ وتىرعان پايدالى قازبالار جاتقان الاڭداردا قۇرىلىس سالۋعا رۇقسات بەرۋ قاعيداسى بەكىتىلسىن. 2. مىنالاردىڭ كۇشى جويىلدى دەپ تانىلسىن: 1) «پايدالى قازبالار ورنالاسقان الاڭداردا قۇرىلىس سالۋعا رۇقسات بەرۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 1997 جىلعى 27 قاڭتارداعى № 109 قاۋلىسى (قازاقستان رەسپۋبليكاسىنىڭ ءپۇاج-ى, 1997 ج., № 4, 29-قۇجات); 2) «قازاقستان رەسپۋبليكاسى ۇكىمەتىنىڭ 1997 جىلعى 27 قاڭتارداعى № 109 قاۋلىسىنا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسى ۇكىمەتىنىڭ 2009 جىلعى 29 مامىرداعى № 800 قاۋلىسى (قازاقستان رەسپۋبليكاسىنىڭ ءپۇاج-ى, 2009 ج., № 27-28, 247-قۇجات). 3. وسى قاۋلى العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى            ك.ءماسىموۆ. قازاقستان رەسپۋبليكاسى  ۇكىمەتىنىڭ 2011 جىلعى 27 ماۋسىمداعى  № 720 قاۋلىسىمەن  بەكىتىلگەن پايدالى قازبالار جاتقان الاڭداردا قۇرىلىس سالۋعا رۇقسات بەرۋ قاعيداسى 1. جالپى ەرەجەلەر 1. وسى قاعيدا «جەر قويناۋى جانە جەر قويناۋىن پايدالانۋ تۋرالى» قازاقستان رەسپۋبليكا­سىنىڭ 2010 جىلعى 24 ماۋسىمداعى زاڭىنىڭ (بۇدان ءارى -زاڭ) 16-بابىنىڭ 18) تارماقشاسىنا سايكەس ءازىر­لەنگەن جانە پايدالى قازبالار جاتقان الاڭداردا قۇرىلىس سالۋعا رۇقسات بەرۋ ءتارتىبىن ايقىندايدى. 2. پايدالى قازبالار جاتقان الانداردا قۇرىلىس سالۋعا رۇقسات بەرۋ ءتارتىبى 2. پايدالى قازبالار جاتقان الاڭداردا قۇرىلىس سالۋعا, سونداي-اق ولار جاتقان ورىنداردا جەراستى قۇرىلىستارىن ورنالاستىرۋعا, جەر قويناۋىن زەرتتەۋ مەن پايدالانۋ جونىندەگى ۋاكىلەتتى ورگاننىڭ جانە ونەركاسىپ قاۋىپسىزدىگى سالاسىنداعى ۋاكىلەتتى ورگاننىڭ رۇقساتىمەن پايدالى قازبالاردى الۋ مۇمكىندىگىن قامتاماسىز ەتۋ نەمەسە قۇرىلىس سالۋدىڭ ەكونوميكالىق ورىندىلىعى دالەلدەنگەن دەگەن شارتپەن رۇقسات ەتىلەدى. 3. پايدالى قازبالار جاتقان الاڭداردا قۇرىلىس سالۋعا, سونداي-اق ولار جاتقان ورىنداردا جەراستى قۇرىلىستارىن ورنالاستىرۋعا رۇقسات الۋ ءۇشىن زاڭدى نەمەسە جەكە تۇلعا جەر قويناۋىن زەرتتەۋ جانە پايدالانۋ جونىندەگى ۋاكىلەتتى ورگانعا (بۇدان ءارى – ۋاكىلەتتى ورگان) ەرىكتى نىساندا ءوتىنىمدى جولدايدى. وتىنىمدە پايدالى قازبالار جاتقان الاڭداردا قۇرىلىس سالۋعا, سونداي-اق ولار جاتقان ورىنداردا جەراستى قۇرىلىستارىن ورنالاستىرۋعا رۇقسات سۇرالاتىن زاڭدى تۇلعانىڭ اتاۋى نەمەسە جەكە تۇلعانىڭ تەگى, اتى, اكەسىنىڭ اتى, ونىڭ ۆەدومستۆولىق قاتىستىلىعى, مەكەنجايى, گەوگرافيالىق كوورديناتتارداعى قۇرىلىس وبەكتىسىنىڭ ورنالاساتىن جەرى كورسەتىلەدى. 4. ۋاكىلەتتى ورگان زاڭدى نەمەسە جەكە تۇلعادان كەلىپ تۇسكەن ءوتىنىمدى تىركەيدى جانە 3 ء(ۇش) جۇمىس كۇنى ىشىندە ونى قۇرىلىس سالۋ وبەكتىسىنىڭ اۋماقتىق تيەسىلىگىنە سايكەس ۋاكىلەتتى ورگاننىڭ اۋماقتىق بولىمشەسىنە (بۇدان ءارى - اۋماقتىق بولىمشە) قاراۋعا جولدايدى. اۋماقتىق بولىمشە ءوتىنىم تۇسكەن ساتتەن باستاپ 10 (ون) جۇمىس كۇنى ىشىندە ونى قارايدى جانە قاراۋ ناتيجەلەرى بويىنشا ۋاكىلەتتى ورگانعا زاڭدى نە جەكە تۇلعا مالىمدەگەن بولاشاقتاعى قۇرىلىس سالۋ الاڭىنىڭ استىندا پايدالى قازبالاردىڭ بار نە جوق ەكەندىگى (ماڭىزدىلىعىنىڭ ازدىعى) تۋرالى قورىتىندىنى جولدايدى. 5. اۋماقتىق بولىمشەدەن ۋاكىلەتتى ورگانعا زاڭدى نەمەسە جەكە تۇلعا مالىمدەگەن بولاشاقتاعى قۇرىلىس سالۋ الاڭىنىڭ استىندا پايدالى قازبالاردىڭ جوق ەكەندىگى (ماڭىزدىلىعىنىڭ ازدىعى) تۋرالى قورىتىندى كەلىپ تۇسكەن جاعدايدا, ۋاكىلەتتى ورگان 5 (بەس) جۇمىس كۇنى ىشىندە زاڭدى نەمەسە جەكە تۇلعاعا مالىمدەلگەن الاڭدا قۇرىلىس سالۋعا رۇقسات بەرەتىن قۇجات بولىپ تابىلاتىن پايدالى قازبالاردىڭ جوق ەكەندىگى (ماڭىزدىلىعىنىڭ ازدىعى) تۋرالى قورىتىندىنى بەرەدى. بۇل رەتتە اتالعان قۇجاتتى ونەركاسىپ قاۋىپسىزدىگى سالاسىنداعى ۋاكىلەتتى ورگانمەن كەلىسۋ قاجەت ەمەس. اۋماقتىق بولىمشەدەن ۋاكىلەتتى ورگانعا زاڭدى نەمەسە جەكە تۇلعا مالىمدەگەن بولاشاقتاعى قۇرىلىس سالۋ الاڭىنىڭ استىندا پايدالى قازبالاردىڭ بار ەكەندىگى تۋرالى قورىتىندى كەلىپ تۇسكەن جاعدايدا, ۋاكىلەتتى ورگان وسىنداي قورىتىندى كەلىپ تۇسكەننەن كەيىن 2 (ەكى) جۇمىس كۇنى ىشىندە ونەركاسىپ قاۋىپسىزدىگى سالاسىنداعى ۋاكىلەتتى ورگانعا اتالعان قورىتىندىنىڭ كوشىرمەلەرىن جانە زاڭدى نەمەسە جەكە تۇلعانىڭ وتىنىمدەرىن پايدالى قازبالار جاتقان الاڭداردا قۇرىلىس سالۋعا, سونداي-اق ولار جاتقان ورىنداردا جەراستى قۇرىلىستارىن ورنالاستىرۋعا رۇقسات بەرۋ تۋرالى ماسەلەنى قاراۋ ءۇشىن جولدايدى. 6. ونەركاسىپ قاۋىپسىزدىگى سالاسىنداعى ۋاكىلەتتى ورگان ۋاكىلەتتى ورگاننان اۋماقتىق بولىمشەنىڭ قورىتىندىسىنىڭ كوشىرمەلەرى مەن زاڭدى نەمەسە جەكە تۇلعانىڭ وتىنىمدەرى كەلىپ تۇسكەن ساتتەن باستاپ 5 (بەس) جۇمىس كۇنى ىشىندە اتالعان قۇجاتتاردى قارايدى جانە ۋاكىلەتتى ورگانعا پايدالى قازبالار جاتقان الاڭداردا قۇرىلىس سالۋعا رۇقساتتى نە وسى قاعيدانىڭ 8-تارماعىندا كوزدەلگەن جاعدايلاردا جازباشا تۇردە دالەلدى باس تارتۋدى جىبەرەدى. 7. ۋاكىلەتتى ورگان اۋماقتىق بولىمشەنىڭ قورىتىندىسى كەلىپ تۇسكەن ساتتەن باستاپ 7 (جەتى) جۇمىس كۇنى ىشىندە ونى قارايدى جانە زاڭدى نەمەسە جەكە تۇلعاعا ۋاكىلەتتى ورگاننىڭ جانە ونەركاسىپ قاۋىپسىزدىگى سالاسىنداعى ۋاكىلەتتى ورگاننىڭ پايدالى قازبالار جاتقان الاڭداردا قۇرىلىس سالۋعا ارنالعان رۇقساتتى نە وسى قاعيدانىڭ 8-تارماعىندا كوزدەلگەن جاعدايلاردا جازباشا تۇردە دالەلدى باس تارتۋدى بەرەدى. 8. ەگەر كۇرىلىس سالۋ بارىسىندا جەر قويناۋىنان پايدالى قازبالاردى الۋ مۇمكىن بولماسا نەمەسە كۇرىلىس سالۋدىڭ ەكونوميكالىق ورىنسىزدىلىعى دالەلدەنبەسە, ۋاكىلەتتى ورگاننىڭ رۇقساتىن جانە پايدالى قازبالار جاتقان الاڭداردا قۇرىلىس ورنالاستىرۋعا, سونداي-اق ولار جاتقان ورىنداردا جەراستى قۇرىلىستارىن ورنالاستىرۋعا ونەركاسىپ قاۋىپسىزدىگى سالاسىنداعى ۋاكىلەتتى ورگاننىڭ رۇقساتىن بەرۋدەن باس تارتىلادى. 9. ۋاكىلەتتى ورگان وزىنە زاڭدى نەمەسە جەكە تۇلعا بەرگەن جەر قويناۋىندا پايدالى قازبالاردىڭ جوق ەكەندىگى (ماڭىزدىلىعىنىڭ ازدىعى) تۋرالى قورىتىندىلاردى جانە پايدالى قازبالار جاتقان الاڭداردا قۇرىلىس سالۋعا رۇقساتتاردى, ولار جاتقان جەرلەردە جەراستى قۇرىلىستارىن ورنالاستىرۋعا رۇقساتتاردى, سونداي-اق ونەركاسىپ قاۋىپسىزدىگى جونىندەگى ۋاكىلەتتى ورگان بەرگەن رۇقساتتاردى ەسەپكە الۋدى جانە تىركەۋدى جۇرگىزەدى. 10. پايدالى قازبالار جاتقان الانداردا ءوز بەتىنشە سالىنىپ جاتقان قۇرىلىستار نەمەسە ولار جاتقان ورىنداردا جەراستى قۇرىلىستارىن ورنالاستىرۋعا جۇمسالعان شىعىندار جانە كەلىسىمشارتتىق اۋماقتىڭ جەرلەرىن رەكۋلتيۆاتسيالاۋ مەن سالىنعان وبەكتىلەردى قايتا بۇزۋعا كەتكەن شىعىندار وتەلمەي توقتاتىلادى.