جوعارعى سوت جۇمىسىن قورىتىندىلادى

جوعارعى سوت توراعاسى قايرات ءمامي سوت جۇيەسىنىڭ 2016 جىلعى جۇمىسىنىڭ قورىتىندىسىن شىعاردى, دەپ حابارلادى جوعارعى سوتتىڭ ءباسپاسوز قىزمەتى. ق.ءمامي 2016 جىل سوت جۇيەسى ءۇشىن وتە تابىستى بول­عانىن اتاپ ءوتتى. قازاقستان تاۋەل­سىز­دى­گىنىڭ 25 جىلدىق مەرەيتويى شەڭبەرىندەگى سوتتاردىڭ جەتىستىكتەرى تۋرالى ايتا كەلە, ول ۇلت جوسپارىندا كوزدەلگەن بارلىق ۇيىمداستىرۋشىلىق جانە قۇقىقتىق ءىس-شارالاردىڭ ورىندالعانىنا تاعى ءبىر مارتە نازار اۋداردى. وسىلايشا, زاڭ مەن قۇقىق ۇستەمدىگى قاعيداتىن ءىس جۇزىندە نەعۇرلىم جۇيەلى ورىنداۋ تۇرعىسىنان سوت جۇيەسى مەن زاڭنامانى رەفورمالاۋ مۇمكىن بولدى. وسى ورايدا ق.ءمامي: «بۇل جۇمىستار سوت تورەلىگىن جۇزە­گە اسىرۋدىڭ ساندىق جانە سا­پالىق كورسەتكىشتەرىنە, حالىقارالىق رەيتينگتەگى سوت جۇيەسىنىڭ ورنىنا جانە, ەڭ باس­تىسى, ازاماتتار قۇقىقتارىنىڭ سوتتا قورعالۋىنىڭ جاي-كۇيى مەن دەڭگەيىنە جاعىمدى اسەر ەتتى», – دەدى. ول جوعارعى سوتتىڭ جالپى وتىرىسىنىڭ بيىلعى جىلعى جۇمىسى ناتيجەلى بولعانىن اتاپ ءوتتى. بارلىعى 15 وتىرىس ءوتتى. سوت جۇيەسى تۋرالى كونستيتۋتسيالىق زاڭدا كوزدەلگەن جالپى وتىرىس­تىڭ بارلىق قۇزىرەتى, سونىڭ ىشىندە تورالقانى, سوت ءجيۋريىنىڭ قۇرامىن, حالىقارالىق كەڭەستى, عىلىمي-كونسۋلتاتيۆتىك كەڭەستى قۇرۋ, ولاردىڭ قىزمەتىنىڭ قۇ­قىق­تىق بازاسىن قابىلداۋ مەن جاڭارتۋ بويىنشا قىزمەتى ىسكە اسىرىلدى. وسى جىلى العاش رەت سۋديالار وبلىستىق سوتتىڭ سۋدياسى لاۋازىمىن يەلەنۋ تۇر­عىسىنداعى ۇسىنىمدار ماسەلەسى بويىنشا وبلىستىق سوتتاردىڭ (پاۆلودار جانە قوستاناي) جالپى وتىرىستارىنىڭ قورىتىن­دىلارىنا شاعىم ءتۇسىردى. نورما شىعارماشىلىق سالادا دا ەلەۋلى جەتىستىكتەرگە قول جەتكىزىلدى. سوت پراكتيكاسىن جەتىلدىرۋ جانە ونىڭ بىركەلكىلى­گىن قامتاماسىز ەتۋ ماقساتىندا 2016 جىلى سوت پراكتيكاسى­نىڭ كوپتەگەن وزەكتى ماسەلەلەرى بويىنشا 16 نورماتيۆتىك قاۋلى قا­بىلداندى (سالىستىرۋ ءۇشىن ايتساق, وتكەن جىلى 8 نورماتيۆتىك قاۋلى قابىلداندى). جوعارعى سوت توراعاسى: «بۇل جەتىستىكتىڭ بارلىعى جاقسى, بىراق ءبىز وسىمەن توقتاپ قال­ماۋى­مىز كەرەك. ءبىزدى الدا كۇر­دەلى جۇمىستار مەن جاڭا ءمىن­­دەت­­تەر كۇتىپ تۇر», دەي كەلە, ءمۇم­كىندىكتى پايدالانىپ, وتىرىسقا قاتىسۋشىلاردى الداعى جاڭا جىلمەن قۇتتىقتادى.