"اۆانگارد" كاپيتانى: "بارىس" - وتە جىلدام وينايتىن كوماندا

كەشە "بارىس"حوككەي كلۋبى "اۆانگارد" كومانداسىن 3:1 ەسەبىمەن ۇتىپ, شىعىس كونفەرەتسنياسىندا 6-ورىنعا كوتەرىلدى.  ومسك كومانداسىنىڭ كاپيتانى, تانىمال رەسەيلىك حوككەيشى ەۆگەني مەدۆەدەۆ Today.kz باسىلىمىنا سۇحبات بەرىپ, "بارىسپەن" وتكەن ويىن تۋرالى ايتىپ بەردى. سۇحبات بارىسىندا حوككەيشى ەڭ الدىمەن "اۆانگاردتىڭ" نە سەبەپتى جەڭىسكە جەتە الماعانى تۋرالى ايتتى: "مەن ەڭ الدىمەن ءبىزدىڭ قاقپاشىمىزدىڭ ويىنىن ەرەكشە اتاپ وتكىم كەلەدى. ول بۇگىن كەرەمەت وينادى. ەگەر ول بولماسا, ءبىز "بارىستان" ءبىرىنشى كەزەڭدە-اق جەڭىلەر ەدىك. ءبىز قولىمىزدان كەلگەنشە تىرىستىق. بىراق تىعىز جۇمىس كەستەسىنەن ماتچ بارىسىندا فيزيكالىق دايىندىعىمىز جەتىسپەگەن بولار. سەبەبى جەلتوقسان ءبىز ءۇشىن اۋىر بولدى", دەدى. ءجۋرناليستىڭ بۇل ويىنداعى شەشۋشى ءساتتى اتاۋدى وتىنگەن سۇراعىنا حوككەيشى ءۇشىنشى كەزەڭگە دەيىن كوماندا جاقسى كەلە جاتقانىمەن, سول ساتتە شايبا جىبەرىپ العانىن كەمشىلىك رەتىندە ەسەپتەيتىنىن ايتتى. ەۆگەني مەدۆەدەۆ اتالعان سۇحباتتا "بارىس" كومانداسى تۋرالى ويىن دا جەتكىزدى: "وتە جاقسى, ءارى جىلدام كوماندا ەكەنى ويىندارىنان, ءىس-قيىلدارىنان-اق بايقالادى. "بارىستى" بۇرىنعى جاتتىقتىرۋشىمەن ويىنىن كورگەن ەمەسپىن. بىراق قازىر كوماندا وتە جاقسى اسەر قالدىردى", دەدى. سونىمەن قاتار ول جاڭا جىلدا كاسىبي حوككەيشىلەردىڭ قانداي تىلەك تىلەيتىندەرىن دە ايتتى. ونىڭ ايتۋىنشا, كەيبىرەۋى كاسىبي تۇرعىدا, ءبىرى جەكە ومىرىنە قاتىستى تىلەك تىلەۋى مۇمكىن. "اركىمنىڭ ماقساتى ءارتۇرلى. بىرەۋى چەمپيوندار كۋبوگىن, بىرەۋلەر اۆتوكولىك نەمەسە پاتەر ارمانداۋى مۇمكىن. ءتىپتى, بارلىعىن بىردەن تىلەيتىندەر دە بار شىعار", دەدى ول.