قايتا ورالعان قارا شاڭىراق

شىمكەنت پەداگوگيكا ينستيتۋتى – قاشانعى قارا شاڭىراق, قازاقستانداعى بايىرعى وقۋ ورىندارىنىڭ ءبىرى ەدى. توقسانىنشى جىلدار­دىڭ باستاپقى تۇسىندا الدەكىمدەردىڭ ارەكەتى­مەن حالىقارالىق قازاق-تۇرىك ۋنيۆەرسيتەتى جا­نىن­داعى ەنشىلەس وقۋ ورنىنا, ودان سوڭ في­ليالعا, ءسال كەيىنىرەك بولىمشەگە, بەرتىنىرەكتە حقتۋ شىمكەنت ينستيتۋتىنا اينالىپ, ءارى-سارىلەۋ كۇي كەشكەن. ءبىر-ەكى جىل بۇرىن بىرنەشە قۇرىلتايشى بىرلەسىپ, اكادەميالىق يننو­ۆا­تسيالىق ۋنيۆەرسيتەتكە اينالدىرعان. «وسى وقۋ ورنىن ءاۋ باستا مەملەكەتتىك پەداگو­گيكا­لىق ينستيتۋت ەتىپ قالدىرۋ كەرەك ەدى, وڭىردەگى وزگەشە ورنى بار, قاشاننان-اق قالىپتاسقان ءداستۇرى بار قارا شاڭىراق ەدى» دەگەن پىكىرلەر, ۇسىنىستار كوبەيە تۇسكەن. حقتۋ-عا قوسىلعالى قارا شاڭىراعىڭىز كۇشەيىپ-گۇلدەنە قويعان جوق. تالانعا ءتۇستى, تاراجعا كەتتى. جاپ-جاقسى جاتاقحانالارى جەكەشەلەنىپ, «ساۋلەدەيىن» كەرەمەت كافەسى ساتىلىپ كەتتى. ءبىر جۇبانارلىعى, جاقىندا, جاڭا وقۋ جى­لىنىڭ قارساڭىندا ۇكىمەت قاۋلىسى شىعىپ, اتالمىش وقۋ ورنى وڭتۇستىك قازاقستان مەملەكەتتىك پەداگوگيكا ينستيتۋتىنا اينالدى. قايتا ورالعان قارا شاڭىراق تۋرالى ءتۇرلى-ءتۇرلى قاۋەسەتتەر تاراعانى راس. «ەگەمەن قا­زاق­ستان­نىڭ» تىلشىلەرىنە دە قوڭىراۋ شالۋشىلار از ەمەس. ماسەلەنىڭ ءمانىسىن ايقىنداۋ ءۇشىن ءبىز بىرقاتار كىسىلەرمەن پىكىرلەسكەن ەدىك. «اقيقاتىن ايتساق, اۋەلگى كەزدە شىم­كەنت­تەگى ەڭ ەجەلگى وقۋ ورنىنىڭ تۇركىستانداعى ۋني­ۆەرسيتەتكە قوسىلۋى قاتەلىك بولدى, – دەيدى قوجا احمەت ياساۋي اتىنداعى حقتۋ ۆيتسە-پرەزيدەنتى, ءبىلىم جانە عىلىم مينيسترلىگىنىڭ وكىلى, عۇلاما عالىم, ادەبيەت سىنشىسى, پروفەسسور قۇلبەك ەرگوبەك. – بۇل ينستيتۋتتىڭ باستاۋىندا الاش ارداقتىسى, قازاقتىڭ جاۋhار جازۋشىسى, ناعىز پاراساتتى پەداگوگ جۇسىپبەك ايماۋىتوۆ تۇر. ول كىسى ءۇش جىلداي ۋاقىت پەدتەحنيكۋمدا ۇستازدىق ەتكەن. «اق بىلەك» رومانىن شىمكەنتتە جازعان. بۇل ينستيتۋتتا مۇحتار اۋەزوۆتىڭ, بەيسەنباي كەنجەباەۆتىڭ ىزدەرى جاتىر. ەشتەن كەش جاقسى دەگەن, مەملەكەتتىك پەدينستيتۋت بولىپ قايتا قۇرىلعانىنا قاتتى قۋاندىم». جاڭالانعان ينستيتۋتتىڭ جاڭا رەكتورى وڭالباي اياشەۆپەن جولىقتىق. باس عيماراتتىڭ قاسبەتىن قۇرىلىسشىلار قىزۋ جوندەپ جاتىر ەكەن. قابىلداۋ كوميسسياسىنىڭ جۇمىسى دا قار­قىندى. بىراق, ءبىر وكىنىشتىسى, ايۋ-ءدىڭ ادامدارى نەگىزگى جيھازداردى, اسىرەسە, كونەدەن كەلە جاتقان كىتاپحانانى, تاعى باسقا نارسە­لەر­دى اكەتىپ قاپتى. قاراپايىم ۇستەلدەر مەن ورىن­دىقتارعا قاراپ قويىپ, جاڭا رەكتور جى­ميا ك ۇلىمسىرەيدى: «رەكتورلار كەلەر دە, مەزگىلى جەتكەندە كەتەر دە. ەڭ باستىسى, قارا شا­ڭى­راق قايتا ورالدى. مەملەكەتتىك وقۋ ورنى بوپ قادامىن قايتا باستى. بۇل – ۇلكەن قۋا­نىش. مەمپەدينستيتۋت شاڭىراعى شايقال­ماي­تىن, بولاشاققا, تاۋەلسىزدىككە باياندى قىز­مەت ەتەتىن ءبىلىم مەن عىلىم ورداسى, ۇس­تازدار ۇياسى بولاتىنىنا سەنىمدىمىن. ەكى ءجۇز­دەي وقى­تۋ­شى, پەداگوگ-پروفەسسورلىق قۇ­رام بار, ءۇش مىڭ­عا تارتا ستۋدەنت بار, ونىڭ 900-گە جۋى­عى مەملەكەتتىك گرانت يەلەرى. كادر­لىق وزگە­رىس­تەر جوقتىڭ قاسى. وقۋ قۇ­رال­دارى, زاماناۋي, كومپيۋتەرلىك, عالام­تور­لىق جابدىقتار, ەلەكتروندىق وقۋلىقتار – ءبارى بولادى. قۇدايعا شۇكىر, مەملەكەتتىڭ قۋا­تى كۇشەي­گەن, قامقورلىق تا, جاعداي دا جان-جاقتى جا­سا­لادى, جيھازدىڭ دا ءتۇر-ءتۇرى كەلەدى كوپ كە­شىكپەي-اق. ءبىر وكىنىشتىسى – باياعىدان كەلە جات­قان كىتاپحانانىڭ, كىتاپ قورىنىڭ قال­ماۋى. بىزدەگى پاراساتتى پروفەسسورلار, عۇلا­ما عالىمدار, مايتالمان ماماندار, جاڭا­شىل ۇستازدار باستاما كوتەرۋ­دە. كەيبىرەۋلەرى جەكەمەنشىك كىتاپحانا­لارىن تۇگەلدەي, بازبىرەۋلەرى باسىم بولىگىن مەملەكەتتىك ينستيتۋتقا بەرمەكشى. جاڭا كىتاپحانانى وسىلاي نىعايتپاق ويدامىز. كۇنى كەشە عانا استانادا مۇعالىمدەر فورۋمى ءوتتى. العان اسەرىمىز ۇلكەن. ءبىز مۇعالىمدەر دايارلايمىز. كىم نە دەسە و دەسىن, مۇعالىمنىڭ بەدەل-ابىرويى جانە جاۋاپكەرشىلىگى كۇشەيمەسە, جاس ۇرپاق تاربيەسىندەگى  ولقىلىقتار وڭالا قويمايدى», – دەيدى وڭالباي مىرزا. قايتا ورالعان قارا شاڭىراق قۇتتى بولعاي. مارحابات بايعۇت.