الەممەن ارىپتەستىگىمىزدىڭ الەۋەتىن كورسەتكەن جىل

كەشە ورتالىق كوممۋنيكاتسيالار قىزمەتى الاڭىندا قازاقستان سىرتقى ساياساتىنىڭ 2016 جىلعى نەگىزگى قورىتىندىلارى مەن كەلەسى جىلدىڭ باسىم باعىتتارىنا ارنالعان ءباسپاسوز ءماسليحاتى ءوتتى. وعان قاتىسقان سىرتقى ىستەر ءمينيسترى ەرلان ىدىرىسوۆ مەملەكەت باسشىسىنىڭ بيىلعى جىلى وتكىزگەن ماڭىزدى شەتەلدىك ساپارلارى مەن ەلىمىزدىڭ حالىقارالىق ساياسي ارەناداعى ايتۋلى ءىس-شارالارى جونىندە اڭگىمەلەدى. «بيىل مەملەكەت باسشىسى 21 شەتەلدىك ساپار جاساپ, شەت مەم­لەكەتتەردىڭ, ۇكىمەتتەردىڭ ءجا­نە حالىقارالىق ۇيىم­دار­دىڭ 15 باسشىسىن قابىلدادى. جىل باسىنان بەرى 49 حالىق­ارالىق شارا مەن 81 ەكىجاقتى ساپار ءوتتى», – دەپ اتاپ ءوتتى ە.ىدىرىسوۆ. ءمينيستردىڭ ايتۋىنشا, 2016 جىلى شەتەلدەردە ساۋ­دا-ەكو­نوميكالىق جانە ينۆەس­تيتسيالىق تا­قىرىپتاردى قام­تىعان 300-دەن استام شارا ۇيىمداستىرىلعان. ولاردىڭ قا­تارىندا ەكونوميكا كۇندەرى, بيزنەس-فورۋمدار, دوڭگەلەك ۇستەلدەر سەكىلدى شارا­لار بار. «قازاقستانعا شەتەل­دەردىڭ 600-دەن استام ىسكەرلىك ءجا­نە ەكونوميكالىق ورتا وكىلدەرى ساپارمەن كەلدى», – دەدى ول. سونى­مەن قاتار, سىرتقى ىستەر ءمينيسترى بيىل برازيليا, شري-لان­كا جانە يزرايل ەلدەرىمەن ۆيزا­سىز رەجىمگە ءوتۋ تۋرالى, سون­­داي-اق جاپونيامەن جەڭىل­دە­تىل­گەن رەجىمگە ءوتۋ جونىندە كە­لى­سىمدەرگە قول جەتكىزىلگەنىن ءمالىم­دەدى. قازاقستان رەسپۋب­لي­كا­سىنىڭ ارنايى بىرجاقتى شارا­لارىنىڭ ارقاسىندا 2014 جىلى 10 ەلمەن, 2015 جىلى 19 ەلمەن ۆيزاسىز رەجىم ەنگىزىلدى. ال 2017 جىلى بۇلاردىڭ قاتا­رى 45 ەلگە جەتەدى», – دەپ اتاپ ءوتتى ە.ىدىرىسوۆ. ونىڭ ايتۋىن­شا, 62 ەلدىڭ ازاماتتارى قا­زاقستان اۋماعىنا ۆيزاسىز كى­رۋگە مۇمكىندىك الىپ وتىر. بۇ­عان قوسا, تاعى 19 ەلمەن سايكەس ەكى­جاقتى كەلىسىمدەرگە قول قويىلعان. سونداي-اق, سىرتقى ىستەر مين­يسترى حالىقارالىق ەكسپو-2017 كورمەسىنە شەت مەم­لەكەتتەردىڭ كەڭ اۋقىمدا قاتى­سۋىن قامتاماسىز ەتۋ ءجو­نىن­دە ۇلكەن جۇمىستار ات­قارىل­عانىن جەتكىزدى. «باستاپ­قىدا كورمەنىڭ تىركەۋ قۇجاتتا­ماسىندا 100 مەملەكەت پەن 10 حا­لىقارالىق ۇيىمنىڭ قاتى­­سۋى جوسپارلانعان بولاتىن. بۇگىنگى تاڭدا ءبىزدىڭ جۇمى­سى­مىزدىڭ ناتيجەسىندە ەكسپو-2017 كورمەسىنە 112 مەملەكەت پەن 18 حالىقارالىق ۇيىم­نىڭ قاتىساتىنى راستالدى. جوس­پار ورىندالدى. دەي تۇر­عان­مەن, جۇمىس مۇنىمەن توقتاپ قال­مايدى. ءبىز ءالى دە حالىقارالىق قا­تىسۋشىلاردى ەكسپو-2017 كور­مەسىنە تارتۋ ۇدەرىستەرىن بەل­سەندى تۇردە جالعاستىراتىن بولامىز», – دەدى ول. ايدار ورىسباەۆ, «ەگەمەن قازاقستان»