جويعىش ۇشاقتاردىڭ پارتياسى كەلىپ ءتۇستى

قارۋلى كۇشتەردىڭ جاۋىنگەرلىك قۇرامى 4++ ۇلگىسىندەگى سۋ-30سم زاماناۋي كوپ فۋنكتسيالى جويعىش ۇشاقتارىنىڭ كەزەكتى پارتياسىمەن تولىقتى. ۇشاقتىڭ بۇل ءتۇرى ءوزىنىڭ ۇشۋ جانە تاكتيكا-تەحنيكالىق سيپاتتامالارى بويىنشا الەمدىك عىلىمي-تەحنيكالىق ىلگەرىلەۋدىڭ اسا جوعارى دەڭگەيىمەن العاندا اسكەري ۇشاق قۇراستىرۋ سالاسىندا 5-ءشى ۇلگىگە بارىنشا جاقىنداتىلعان.  ۇشاق قارسىلاستىڭ اقپا­رات­تىق جانە اتىسپەن قارسى ءىس-قيمىل جاساۋ جاعدايىندا تاۋلىك بويى, كەز كەلگەن اۋا رايىندا بازادان ەداۋىر قاشىقتىقتا جاۋىنگەرلىك تاپسىرمالاردىڭ كەڭ سپەكترىن ورىن­داۋعا قابىلەتتى. سۋ-30سم  اۋە نىسانالارىن, سونداي-اق, جەرۇستى جانە ءسۋۇستى نىساندارىن جويۋ بويىنشا تاپسىرمالاردى شەشەدى. قارۋ-جاراقتىڭ كەڭ تۇرىمەن جانە بورتتىق راديوەلەكتروندى قۇرىلعىنىڭ زاماناۋي كەشەنىمەن جابدىقتالعان. اتالعان جويعىش ۇشاقتى وي­دا­عىداي مەڭگەرۋ ءۇشىن تەح­ني­كا­نىڭ قىر-سىرىن جاقسى ءبىلىپ, ۇدايى ءوزىن ءوزى جەتىلدىرىپ وتىرۋ قاجەت. ءبىر جارىم جىل ىشىندە ۇشقىشتار اتالعان ۇشاقتى ءساتتى مەڭگەردى. بۇعان دالەل رەتىندە, بىرقاتار وقۋ-جاتتىعۋلارعا  قا­تى­­سۋىن اتاپ وتۋگە بولادى. سۋ جاڭا اۆياتسيالىق تەحنيكانىڭ جەت­كىزىلۋى,  جالپى العاندا, قازاقستان قارۋلى كۇشتەرىنىڭ ۇشۋلار قاۋىپسىزدىگى مەن قورعا­نىس قابىلەتتىلىگىن ارتتىرۋعا مۇمكىندىك بەرەدى. بۇل تۋرالى اۆياتسيالىق با­زا كومانديرىنىڭ تاربيە جانە يدەو­لوگيالىق جۇمىستار ءجو­نىن­دەگى ورىنباسارى, پودپولكوۆنيك تەمىرتاس ىبىراەۆ اتاپ ءوتتى. سۋ-30سم ۇشاقتارىنىڭ ال­عاش­قى پارتياسى قازاقستان اسكەري-اۋە كۇشتەرىنىڭ جاراق­تان­دىرىلۋىنا 2015 جىلى بۇ­دان بۇرىن قازاقستان مەن رە­سەي قورعانىس ۆەدومستۆولارى باسشىلارىنىڭ اراسىندا قول جەتكىزىلگەن ۋاعدالاستىق شەڭ­بەرىندە كەلىپ تۇسكەن بولاتىن, دەپ حابارلادى قازاقستان رەس­پۋبليكاسى قورعانىس مي­نيس­ت­ر­لىگىنىڭ ءباسپاسوز قىزمەتى.