2017 جىلدان باستاپ قازاقستانعا ۆيزامەن كىرۋدىڭ جاڭا ءتارتىبى ەنگىزىلەدى

2017 جىلدىڭ 1-ءشى قاڭتارىنان باستاپ قازاقستان شەكاراسىنا ءوتۋ ۆيزاسى بەرىلۋىنىڭ جاڭا ءتارتىبى ءوز كۇشىنە ەنەدى, دەپ حابارلايدى Strategy2050.kz اگەنتتىگى قر سىرتقى ىستەر ءمينيسترى ەرلان ىدىرىسوۆقا سىلتەمە جاساپ. جاڭا تارتىپتەردى قابىلداۋدىڭ ماقساتى كوشى-قون مەن  ۆيزالىق ساياسات سالاسىندا   قازىرگى زامانعى حالىقارالىق  جاعدايدى ەسكەرە وتىرىپ ۆيزانى بەرۋ ءتارتىبىن وڭتايلاندىرۋ. ۇلتتىق زاڭناماداعى وزگەرتۋلەر قر شەكاراسىنا شەتەلدىك ازاماتتاردىڭ ەنۋ ءتارتىبىن جەڭىلدەتەدى, دەپ حابارلادى ءسىم. ە.ىدىرىسوۆ  جاڭاشىلدىقتار تۋرالى ءسوز قوزعاپ, جاڭا تارتىپتەر شەتەلدىك ازاماتتاردىڭ ەل ەكاراسىنا كىرۋ ءتارتىبىن اشىق, جىلدام جانە جەڭىل ەتە تۇسەدى. «ءبىز قاراپايىم, تۇسىنىكتى جانە ىڭعايلى ءتارتىپ ورناتۋعا ۇمتىلدىق, ازاماتتاردىڭ قىزىعۋشىلىقتارىن ەسكەرە وتىرىپ, وزگە شەتەلدىك تاجىريبەنى دە قولدانۋعا ۇمتىلدىق. بۇل ءبىزدىڭ ازاماتتاردىڭ وزگە ەلدەردىڭ تۇرعىندارىمەن ىنتماقتاستىقتى دامىتىپ, ىسكەرلىك تۇرعىدان دا دامي تۇسۋگە مۇمكىندىك بەرەتىنىنە سەنىمدىمىن», - دەدى مينيستر. سىرتقى ىستەر مينيسترلىگىنىڭ باستى جاڭاشىلدىقتارىنىڭ ءبىرى  زاڭدى جانە جەكە تۇلعالاردىڭ دايىندايتىن ۆيزالىق شاقىرتۋلارىنىڭ  سىرتقى ىستەر مينيسترلىگىنە بەرىلۋىندە. «ونىڭ ناتيجەسى شاقىرتۋلاردى دايىنداۋدى جەڭىلدەتە تۇسەدى.  ول تەك استانا مەن الماتىدا عانا ەمەس,  كوشى-قون پوليتسياسى جۇمىس ىستەيتىن وبلىس ورتالىقتارىندا دا جۇزەگە اسادى», - دەدى ە.ىدىرىسوۆ.