الماتىدا دزيۋدو اكادەمياسىندا ەل تاۋەلسىزدىگىنىڭ 25 جىلدىعى اياسىندا ۇيىمداستىرىلعان جاتتىقتىرۋشىلارعا ارنالعان تەحنيكالىق سەمينار اياقتالدى. جاتتىقتىرۋشىلارعا ارنالعان سەمينار حالىقارالىق وليمپيادا كوميتەتىنىڭ تالاپتارىنا سايكەس قازاقستان ۇلتتىق وليمپيادا كوميتەتى مەن قازاقستان دزيۋدو فەدەراتسياسىنىڭ قولداۋىمەن ۇيىمداستىرىلدى, دەپ حابارلايدى دزيۋدو فەدەراتسياسىنىڭ ءباسپاسوز قىزمەتى. 14-19 جەلتوقسان كۇندەرى سەميناردى اۆستريادان كەلگەن IJF وكىلى داني دجوردج اعىلشىن تىلىندە وتكىزدى.
سەمينار ماقساتى– دزيۋدونى ناسيحاتتاۋ جانە بۇل سپورت ءتۇرىن ەلىمىزدە دامىتۋ, باپكەرلەردىڭ جالپى ۇستانىمدارىنا, بىلىكتىلىكتەرىن ارتتىرۋعا جانە كوۋچينگ تاجىريبەسىن نىعايتۋ بولاتىن. سەمينارعا قازاقستاننىڭ بارلىق سپورت مەكتەپتەرى (بالالار مەن جاسوسپىرىمدەردىڭ سپورت مەكتەپتەرى, سپورت شەبەرلەرىنىڭ ورتا مەكتەپتەرى, ۇلتتىق كوماندالاردى بەكىتەتىن كەڭەس), سونىڭ ىشىندە جاڭا جۇيەگە قىزىعۋشىلىق تانىتقان بارلىق جاتتىقتىرۋشىلار قاتىستى.
جاتتىقتىرۋشىلار ءۇشىن ماڭىزى ەرەكشە سەمينارعا بارلىعى 60-تان استام مامان قاتىسىپ, تەوريانى پراكتيكامەن ۇشتاستىردى. كۋرس ناتيجەسى بويىنشا قاتىسۋشىلار وليمپيادالىق ىنتىماقتاستىق سەرتيفيكاتتارىمەن ماراپاتتالادى.
