جەلتوقسان قۇرباندارىنا ارنالدى

پەتروپاۆلدا ۆولەي­بول­دان جەلتوقسان وقيعاسى­نىڭ قۇربانى نۇرجان قالياس­قاروۆتى ەسكە تۇسىرۋگە ارنال­عان تۋرنير بولىپ ءوتتى. باتىر وعلان الماتىدا ءوزى قاتارلى ستۋدەنتتەرمەن بىرگە الاڭعا شىعىپ, كەڭەستىك وكتەم سايا­ساتقا نارازىلىق ءبىلدىر­گەن. قاماۋعا الىنىپ, ۇرىپ-سوعىل­عان. وقۋدان, كومسومولدان شىعارىلعان. كەيىن اۋىر دەنە جاراقاتى اسقىنىپ, 25 جاسىندا قايتىس بولعان. تۋرنير وسكەلەڭ ۇرپاق بويىنا ەلدى, جەردى, وتاندى ءسۇيۋ سەزىمدەرىن دارىتۋ ماق­ساتىن كوزدەدى. وعان «جەل­توقسان» قورى, وبلىستىق دەنە شىنىقتىرۋ جانە سپورت باسقارماسى مۇرىندىق بولدى. جارىستىڭ اشىلۋ سالتاناتىندا مەملەكەتتىك گيمن وينالىپ, جەلتوقسان بوزداقتارى رۋحىنا تاعزىم ەتىلدى. رەس­پۋب­ليكالىق «جەلتوقسان اقيقاتى» قوعامدىق ۇيىمى جەر­گىلىكتى بولىمشەسىنىڭ توراعاسى بوتاش قاجىموۆ, مار­قۇمنىڭ اعاسى نۇرلان ءسوز سويلەپ, اقيقاتىنان گورى اق­تاڭداعى باسىم كەزەڭ جايلى, جەلتوقسانشىلاردىڭ ەرلىك ىستەرى تۋرالى وي تەربەدى. سوڭىنان ءوڭىردىڭ ءار جەرىنەن جينالعان 18 كوماندا ەكى توپقا ءبولىنىپ, جا­رىس­تى قىزدىردى. ءناتي­جەسىندە, ۇزدىك ويىن ءور­نەگىن كورسەتكەن بىرىڭعاي جيناق­تاۋشى زەينەتاقى قورى مەكە­مەسى, «ءال-فارابي» لي­تسەيى, وبلىستىق ىشكى ىستەر دەپارتامەنتى جانە «وستروۆ» كوماندالارى فينالدىق سايىسقا جولداما الىپ, نەگىزگى تارتىس وسى تورتتىكتىڭ ارا­سىندا ءوربىدى. ازۋلى قار­سىلاستىڭ ءبىرى سانالعان پەت­روپاۆل كلاسسيكالىق گيمنازياسىن 2:0 ەتىپ تىزە بۇكتىرگەن ءتارتىپ ساقشىلارىنىڭ ءباي­گەنى شاپپاي الاتىنى تۋرالى بولجام راستالمادى. ولار­دان الفارابيلىكتەر باسىم ءتۇسىپ, ءبىرىنشى ورىن الدى. وس­تروۆتىقتاردى ۇتقان زەي­نەت­اقى قورىنىڭ سايىپ­قى­راندارى ءۇشىنشى ورىنعا جايعاستى. جەڭىمپازدار مەن ءجۇل­دەگەرلەرگە قۇرمەت گراموتالارى, ەسكەرتكىش مەدالدار, با­عالى سىيلىقتار تابىس ەتىلدى. – قازىر استانادا جۇمىس ىستەيمىن. بيىل ءوزىم وقىعان «ءال-فارابي» مەكتەپ-ليتسەيى كومانداسى ساپىندا ونەر كورسە­تۋگە بەل بايلادىم. ماسە­لە ماراپاتتا ەمەس. ەڭ باس­تىسى – تاۋەلسىزدىك ءۇشىن وشپەس ءىز قالدىرعان ءوندىر­دەي جاستار قانداي قۇرمەتكە دە لايىق ەكەنىن سەزدىرۋ. سونىمەن قاتار, م. قوزىباەۆ اتىنداعى سولتۇستىك قازاق­ستان مەملەكەتتىك ۋنيۆەر­سيتەتى قۇرامىندا بۇل تۋرنيرگە تالاي جىل قاتىسقان اكەم­نىڭ جولىن جالعاستىرۋدى ءجون كوردىم, – دەيدى ەلوردادان ارنايى كەلگەن دۋلات رساتاەۆ. ءومىر ەسقالي, «ەگەمەن قازاقستان» پەتروپاۆل