كەلەسى جىلدان باستاپ 45 مەملەكەت ءۇشىن ۆيزاسىز رەجىم ەنگىزىلەدى

سىرتقى ىستەر ءمينيسترى ەرلان ىدىرىسوۆ كەلەسى جىلدان باستاپ 45 مەملەكەت ءۇشىن ۆيزاسىز رەجىمنىڭ اشىلاتىنىن جەتكىزدى, دەپ xابارلايدى قازاقپارات. «2017 جىلى قاڭتار ايىنان باستاپ ينۆەستيتسيالىق الەۋەتى جوعارى ءارى ەكونوميكالىق جاعىنان دامىعان 45 مەملەكەت ءۇشىن ۆيزاسىز رەجىم اشىلادى. وسى ەلدەردىڭ ازاماتتارى 30 كۇنى بويى قازاقستاندا ەمىن-ەركىن جۇرە الادى», – دەدى ە.ىدىرىسوۆ بۇگىن استانادا وتكەن ءباسپاسوز ءماسليxاتىندا. ونىڭ ايتۋىنشا, ۆيزاسىز رەجىمگە ىلىككەن مەملەكەتتەردىڭ ىشىندە اۆستريا, اقش, گرەكيا, يسپانيا, شۆەتسيا, كانادا, فينليانديا, فرانتسيا, وڭتۇستىك كورەيا, جاپونيا, پورتۋگاليا, ۆەنگريا, كيپر, بەلگيا, سينگاپۋر, موناكو, يوردانيا, مالايزيا, سونداي-اق ەقىۇ, ەۋروپالىق وداق پەن ورتالىق ازيا ەلدەرى بار. «سونىمەن قاتار, 48 مەملەكەتتەن تۇراتىن تاعى ءبىر ءتىزىم بار. ول بولەك, 45 ەلدىڭ ازاماتتارى قازاقستانعا ۆيزاسىز كىرە الادى. دەگەنمەن, ءبارى دە تىركەۋدەن وتەدى. ال 48 مەملەكەتتەن تۇراتىندار ءۇشىن ۆيزا الۋدىڭ جەڭىلدەتىلگەن شارتتارى قاراستىرىلعان. ولار ۆيزانى شاقىرتۋسىز الا الادى», – دەدى مينيستر.