تەڭگەدەگى دەپوزيت كولەمى ارتىپ كەلەدى

قر ۇلتتىق بانك توراعاسى دانيار اقىشەۆ ۇكىمەت وتىرىسىندا 2016 جىلى تەڭگە دەپوزيتتەرى ۇلەسىنىڭ ۇلعايۋى جانە شەتەلدىك ۆاليۋتا دەپوزيتتەرىنىڭ تومەندەۋى تۋرالى حابارلادى. «2016 جىلى دەپوزيتتەر قۇرىلىمىنىڭ وزگەرۋى ورىن الدى. 11 اي ىشىندە تەڭگە دەپوزيتتەرى, بۇل الدىن الا دەرەكتەر, 53,2%-عا ءوستى, شەتەلدىك ۆاليۋتا دەپوزيتتەرى 10%-عا تومەندەدى. ناتيجەسىندە دەپوزيتتەردىڭ دوللارلانۋ دەڭگەيى 2016 جىلعى قاڭتاردا بولعان 70% مولشەرىندەگى ەڭ جوعارى دەڭگەيدەن 2016 جىلعى قاراشاداعى 56,7%-عا دەيىن تومەندەدى», - دەپ حابارلادى ۇلتتىق بانك باسشىسى. د. اقىشەۆ اتاپ وتكەندەي, زاڭدى تۇلعالاردىڭ تەڭگە جانە شەتەلدىك ۆاليۋتا دەپوزيتتەرى تەڭەسكەن. «جەكە تۇلعالاردىڭ سالىمدارى قۇرىلىمىندا شەتەلدىك ۆاليۋتا دەپوزيتتەرىنىڭ ۇلەسى 2016 جىلعى قاڭتارداعى ەڭ جوعارعى 80% قۇرايتىن مانىنەن 2016 جىلعى قاراشاداعى 64,4%-عا دەيىن تومەندەدى», - دەدى د. اقىشەۆ. سونداي-اق, ول ۇلتتىق بانك سىرتقى جانە ىشكى فاكتورلاردىڭ اسەرىنەن قالىپتاساتىن ىرگەلى ترەندتەرگە كەدەرگى كەلتىرمەيتىنىن قوستى. «2016 جىلعى قىركۇيەكتەن باستاپ ءۇش اي ىشىندە ۇلتتىق بانك ۆاليۋتالىق نارىقتا باسقىنشىلىقتار جۇرگىزبەيدى, سايكەسىنشە, ءبىزدىڭ قاتىسۋ ۇلەسىمىز 0% قۇرايدى», - دەدى د. اقىشەۆ. ونىڭ ايتۋى بويىنشا, بيىلعى جىلدىڭ جەلتوقسانىندا تەڭگەنىڭ نىعايۋى بايقالادى. وسىلايشا, تەڭگە باعامى قازىرگى ۋاقىتتا وڭ ديناميكاعا يە ىرگەلى فاكتورلاردىڭ اسەرىنەن عانا قالىپتاسادى.