جالاقىسى ەڭ جوعارى فۋتبولشىنىڭ ەسىمى بەلگىلى بولدى

«بوكا حۋنيورس» فۋتبول كلۋبىنىڭ جانە ارگەنتينا ۇلتتىق قۇراماسىنىڭ شابۋىلشىسى كارلوس تەۆەس قىتايدىڭ «شانحاي شەنحۋا» كومانداسىنا اۋىسىپ, الەمدەگى جالاقاسى ەڭ جوعارى فۋتبولشى اتانادى. بۇل تۋرالى vesti.kz حابارلادى. ارگەنتينالىق كلۋبتىڭ باسشىلىعى بۇل ءىستىڭ جاقىن ارادا ورىن الاتىنىن رەسمي تۇردە راستادى. الايدا, ترانسفەر قۇنى ازىرگە بەلگىسىز. The Daily Mail باسىلىمىنىڭ مالىمەتى بويىنشا, ونىڭ جاڭا كلۋبتاعى ءبىر اپتالىق جالاقىسى 615 مىڭ فۋنتتى قۇرايدى. بۇعان دەيىن الەمدىك باق تەۆەستىڭ وتانداسى, «حەبەي فورچۋن» ۇجىمىنىڭ شابۋىلشىسى ەسەكەل لاۆەسسيدى ەڭبەكاقىسى جوعارى فۋتبولشى رەتىندە جارىسا جازعان بولاتىن. ول اپتاسىنا 577 مىڭ ەۋرو الادى. بۇل كورسەتكىشتەردى ەۋروپانىڭ ۇزدىك ويىنشىلارىمەن سالىستىرار بولساق ەكى ەسەگە دەيىن كوپ. ماسەلەن, جاقىندا عانا «التىن دوپ» يەگەرى اتانعان «رەالدىڭ» فورۆاردى كريشتيانۋ رونالدۋ اپتاسىنا 427 مىڭ ەۋرو, ال «بارسەلونانىڭ» جۇلدىزى ليونەل مەسسي 316 مىڭ ەۋرو الادى. ايتا كەتەيىك, كارلوس تەۆەس «بوكا حۋنيورستىڭ» اكادەمياسىنان شىققان. ەۋروپادا «ۆەست حەم», «مانچەستەر يۋنايتەد», «مانچەستەر سيتي» جانە «يۋۆەنتۋس» كوماندالارىندا ونەر كورسەتكەن. ارگەنتينا ۇلتتىق قۇراماسىندا 2004 جىلدان بەرى 76 ويىنعا قاتىسىپ, 13 گول سوققان. وتانداستارىمەن 2004 جىلى افينا وليمپياداسىن جەڭىپ السا, 2005 جىلى كونفەدەراتسيا كۋبوگىنىڭ, سونداي-اق 2005, 2007, 2015 جىلدارى امەريكا كۋبوگىنىڭ ۆيتسە-چەمپيونى اتانعان.