«نۇرلى جولعا» بولىنگەن قارجى 100 پايىزعا دەرلىك يگەرىلەدى

«نۇرلى جولعا» بولىنگەن قارجى 100 پايىزعا دەرلىك يگەرىلمەك. بۇل تۋرالى بۇگىن ۇكىمەتتىڭ سەلەكتورلىق رەجىمدەگى وتىرىسىندا قر قارجى ءمينيسترى باقىت سۇلتانوۆ ءمالىم ەتتى. «نۇرلى جول» باعدارلاماسى بويىنشا اعىمداعى جىلدىڭ 11 ايى ىشىندە 435 ملرد تەڭگە, ياعني جىلدىق كولەمنىڭ 92 پايىزى يگەرىلدى. جىل بويىنشا رەسپۋبليكالىق دەڭگەيدە اتقارىلۋ تولىق كولەمدە دەرلىك 99,9 پايىز دەڭگەيىندە كۇتىلەدى. تەك 0,5 ملرد. تەڭگە يگەرىلمەي قالايىن دەپ تۇر. اتاپ ايتار بولساق, حالىقارالىق قارجىلىق ەسەپتىلىك جوبالارى بويىنشا ۇلتتىق ەكونوميكا مينيسترلىگى 235,6 ملن تەڭگە, ءبىلىم جانە عىلىم مينيسترلىگى  130,9 ملن تەڭگە جانە دەنساۋلىق ساقتاۋ جانە الەۋمەتتىك قورعاۋ مينيسترلىگى  109,3 ملن تەڭگە», - دەدى مينيستر. ونىڭ دەرەكتەرىنە سايكەس, جەرگىلىكتى ورگاندار 215,5 ملرد تەڭگە, نەمەسە الىنعان قاراجاتتىڭ 94,5 پايىزىن يگەردى. ال 12 ملرد تەڭگە يگەرىلگەن جوق. «يگەرىلمەۋدىڭ ەڭ كوپ كولەمى ماڭعىستاۋ وبلىسىندا - 1,4 ملرد تەڭگە, اقتوبە وبلىسىندا - 1,3 ملرد تەڭگە, الماتى جانە اقمولا وبلىسىندا - 1,2 ملرد تەڭگەدەن, اتىراۋدا  1,1 ملرد تەڭگە مولشەرىندە بايقالادى. يگەرىلمەۋدىڭ نەگىزگى سەبەبى جۇمىستاردىڭ ءوندىرىس كەستەسىنەن قالۋ بولىپ وتىر», - دەدى سۇلتانوۆ.