بيشىمباەۆ: قازاقستان ەكونوميكاسىنىڭ ءوسىمى 11 اي ىشىندە 0,8% قۇرادى

ۇلتتىق ەكونوميكا ءمينيسترى قۋاندىق بيشىمباەۆ ۇكىمەت وتىرىسى بارىسىندا ەلىمىزدىڭ 11 ايى ىشىندەگى الەۋمەتتىك-ەكونوميكالىق دامۋ قورىتىندىلارى تۋرالى مالىمدەدى. «قاڭتار-قاراشا ايلارىندا ەكونوميكا ءوسىمىنىڭ 0,8% جىلدامداۋى بايقالدى, بۇل قاڭتار-قازان ايلارىمەن سالىستىرعاندا 0,2% ارتىق. تاۋارلار ءوندىرىسىنىڭ ءوسىمى 0,9%, قىزمەتتەر ءوسىمى – 0,6%, ونىمدەرگە سالىق – 2,4%», – دەدى بيشىمباەۆ. «بۇل وڭ بەتالىستىڭ ەكونوميكانى ءارتاراپتاندىرۋ, ينفراقۇرىلىمدى, كاسىپكەرلىكتى, اوك دامىتۋ بويىنشا باعدارلامالار مەن جوسپارلاردى, سونىمەن قاتار جۇمىسپەن قامتۋ شارالارىن جۇزەگە اسىرۋدىڭ ارقاسىندا قامتاماسىز ەتىلدى», – دەپ اتاپ ءوتتى. مينيستر ەلدە ىسكەرلىك جانە ينۆەستيتسيالىق بەلسەندىلىكتىڭ ساقتالىپ وتىرعانىن, قارجىلىق نارىقتاعى جاعدايدىڭ تۇراقتى ەكەنىن اتاپ ءوتتى. 11 ايدىڭ قورىتىندىلارى بويىنشا ەكونوميكا ءوسىمىنىڭ باستى قوزعاۋشى كۇشتەرىنە قۇرىلىس ء(وسىم 7,5%), اۋىل شارۋاشىلىعى (4,5%), كولىك (3,8%), وڭدەۋ ونەركاسىبى (0,5%) ءتارىزدى سەكتورلار اينالدى «ونەركاسىپتە وڭ بەتالىستار بايقالادى. قاراشا ايىندا قازان ايىمەن سالىستىرعاندا ونەركاسىپتەگى ءوسىم 4% قۇرادى, ال وتكەن جىلدىڭ قاراشا ايىمەن 1,1% بولدى. ونەركاسىپتەگى ءوسىمنىڭ نەگىزگى كوزدەرىنە وڭدەۋ ونەركاسىبىندەگى ءوسىمنىڭ وزىق قارقىنى اينالدى, ول تاۋ-كەن ونەركاسىبىنەن جوعارى بولدى», – دەدى بيشىمباەۆ. 11 اي ىشىندە وڭدەۋ ونەركاسىبىندە مەتاللۋرگيا ءونىمىنىڭ ءوندىرىسى – 6,8%, ازىق-ت ۇلىك ونىمدەرى – 3,8%, فارماتسەۆتيكالىق ءونىم – 2,8%, كوكس پەن مۇناي ونىمدەرى – 0,3%. وتكەن جىلدىڭ وسى كەزەڭىمەن سالىستىرعاندا ءوندىرىستىڭ تومەندەۋىنە قاراماستان, ماشينا جاساۋدا قاراشا ايىندا قازان ايىمەن سالىستىرعاندا 12,6% ءوسىم بايقالادى. تاۋ-كەن ونەركاسىبىندە مۇناي, كومىر, تەمىر رۋداسىن الۋدا ديناميكا جاقسارادى. قاراشا ايىندا مۇناي الۋ ءوسىمى 2015 جىلدىڭ قاراشا ايىمەن سالىستىرعاندا 3% قۇرادى. ناتيجەسىندە, 11 اي ىشىندە ونى ءوندىرۋ بويىنشا جوسپاردى اسىرا ورىنداۋ 2,4% قامتاماسىز ەتىلدى. جوسپاردا 69,2 ملن توننا بولعاندا, 70,8 ملن توننا مۇناي الىندى. «ءوسىمنىڭ باستى فاكتورى قىركۇيەك ايىندا قاشاعان كەن ورنىنىڭ ىسكە قوسىلۋى بولدى. بۇل تاۋلىگىنە 75 مىڭ باررەلەل كولەمىندە مۇنايدىڭ قوسىمشا ءوندىرىلۋىن قامتاماسىز ەتتى», - دەدى مينيستر. ارنۇر اسقاروۆ, «ەگەمەن قازاقستان»