قازاقستان رەسپۋبليكاسىنىڭ سىرتقى ىستەر مينيسترلىگى تۇركيا رەسپۋبليكاسىنداعى رەسەي فەدەراتسياسىنىڭ توتەنشە جانە وكىلەتتى ەلشىسى اندرەي كارلوۆقا جاسالعان قاستاندىقتى قاتاڭ ايىپتايدى, دەپ حابارلايدى ۆەدومستۆانىڭ ءباسپاسوز قىزمەتى.
"وزگە ەلدىڭ قۇزىرەتتى وكىلىنە قارسى جاسالعان بۇل تەررورلىق ارەكەت رەسەي مەن تۇركيا قاتىناسىن بۇزۋ ماقساتىندا جاسالعان ارانداتۋشىلىق.
رەسەي تارابىنا, قايتىس بولعان ەلشىنىڭ وتباسى مەن جاقىندارىنا كوڭىل ايتا وتىرىپ, اتالعان قىلمىستىڭ تۇركيانىڭ قۇقىق قورعاۋ ورگاندارى تارابىنان لايىقتى دارەجەدە قارالۋىنا ۇمىتتەنەمىز," - دەلىنگەن حابارلامادا.
