بەرليندە زارداپ شەككەندەر اراسىندا قازاقستاندىقتار جوق

بەرليندە جۇرگەن قازاقستاندىقتارعا ادام كوپ جينالعان ورىندارعا بارماعان ءجون. بۇل تۋرالى يدم تۋريزم يندۋسترياسى دەپارتامەنتىنىڭ ديرەكتورى مارات يعالي ءوزىنىڭ Facebook پاراقشاسىندا جازدى. «قر ينۆەستيتسيالار جانە دامۋ مينيسترلىگىنىڭ تۋريزم يندۋسترياسى دەپارتامەنتىنە زارداپ شەككەن قازاقستاندىق تۋريستەر تۋرالى اقپارات كەلىپ تۇسكەن جوق», – دەدى ول. يدم مينيسترلىگىنىڭ تۋريزم يندۋسترياسى دەپارتامەنتى گەرمانيا اۋماعىندا جۇرگەن تۋريستەردى ساق جۇرۋگە, ادام كوپ شوعىرلانعان ورىندارعا بارماۋعا شاقىرادى. الەمدىك باق-تىڭ حابارلاۋىنشا, 2016 جىلى 20 جەلتوقساندا بەرلين ورتالىعىنداعى برايتشايدپلاتس الاڭىنداعى روجدەستۆولىق جارمەڭكەدە جۇرگەن حالىقتى جۇك كولىگى سوققان, دەپ حابارلايدى «قازاقپارات». سوڭعى دەرەكتەر بويىنشا, 12 ادام مەرت بولىپ, 48 ادام ءتۇرلى دەنە جاراقاتىن الدى. كۋاگەرلەردىڭ ايتۋىنشا, جۇك كولىگى بۇكىل الاڭ بويىمەن ءجۇرىپ ءوتىپ, شىرشانىڭ جانىنا كەلىپ توقتاعان.