ۇرانىمىز – «العا, قازاقستان!»

نەبارى 25 جىلدىڭ ىشىندە قازاقستان الەمنىڭ بىرقاتار ەل­دەرىنىڭ 100 جىلدا قولى جەت­­پەگەن, ارمانىنا اينالعان دامۋ دەڭگەيىنە كوتەرىلدى. كەشە­گى قازاقستان قانداي ەدى, ءبۇ­گىنگى تاۋەلسىز ەلىم قانداي؟! رەس­پۋب­ليكامىزدىڭ ەگەمەندىك ال­عان جىلدارداعى جاساعان قا­رىش­تى قادامى بارىمىزگە بەل­گىلى. ءاربىر ءىس-ارەكەتى كوز ا­لدى­مىزدا ءوتتى. بارلىق سالا بويىن­شا ەلىمىزدىڭ جەتكەن تابىستارىنا كۋامىز. باسقاعا بارماي-اق, سپورت سال­ا­سىن­­­­داعى قازاق سايىپقىراندارى باعىن­دىر­­عان بيىكتەرى تۋرالى ايتساق تا جەتكى­لىكتى. كەشەگى كەڭەستىك زاماندا كۇش-قۋاتى تاسىپ, شەبەرلىگى اسىپ تۇرسا دا مەنىڭ قانداستارىمنىڭ الەمدىك ءار دەڭ­گەيدەگى جارىسقا شىعۋعا جولى بولا بەر­مەدى. تاۋەلسىزدىك العان جىلدارى ەلى­مىز­دىڭ سپورتشىلارى تاريحتا بۇرىن-سوڭدى بولماعان جەڭىمپازدىق مارا­پات­تاردى يەلەنىپ, قانشاما دۇنيە­جۇزىلىك جارىستاردىڭ جۇلدىزى اتان­دى. اسىرەسە, ەلىمىزدىڭ جاستارى وليم­پيادا ويىندارىندا ءوز ورنىن مىقتاپ ايقىنداپ الدى. ەلباسىمىز – قازاقستان رەسپۋبلي­كاسى­نىڭ تۇڭعىش پرەزيدەنتى نۇرسۇلتان نازارباەۆ استانادا وتكەن تاۋەلسىز­دىك مەرەكەسىنە ارنال­عان سالتاناتتى جي­نا­­لىستاعى بايانداماسىندا بەي­بىت­شىلىك ەلشىسىنە اينالعان سپورت­شى­لارىمىز تۋرالى تەبى­رەنە ءسوي­لەۋى دە تەكتەن-تەك ەمەس. ەل سپورتشىلارىنىڭ اتى­­نان ءسوز العان وليمپيادا چەم­­پيوندارى – دميتري بالان­­­دين مەن دانيار ەلەۋ­سىنوۆ­­تىڭ سوزىنە ەلباسى­مىز دا, جينالعان حالىق تا زور زەيىن قويدى. «قۇرمەتتى نۇرسۇلتان ءابىش ۇلى! ءوزىڭىز­دىڭ «العا, قازاقستان!» دەگەن ءسوزىڭىز­دى ەلىمىزدىڭ رەسمي ۇرانىنا اينال­دىرۋ نيەتىمىز بار. بۇل بارشا قازاقستان­دىقتاردىڭ ماڭگىلىك ۇرانىنا اينالار ەدى», دەدى سوندا وليميادا جەڭىمپازدارى. مەرەكەلىك جيىنعا قاتىسۋشىلار قوشەمەت تانىتىپ, ەلباسىمىزدىڭ ءوزى دانياردىڭ اتىن اتاپ, بۇل ۇراندى قولدايتىنىن ءبىلدىرىپ, ريزاشىلىعىن ايتتى. وسىنىڭ ءوزى بولاشاعى جارقىن جاس مەملەكەتىمىزدىڭ سپورتتا عانا ەمەس, ەلىمىز دامۋىنىڭ بارلىق سالاسىندا ۇنەمى الدا بولاتىنىن مەڭزەگەندەي. ەندەشە, العا, قازاقستان! جاقسىلىق ۇشكەمپىروۆ, ماسكەۋ وليمپياداسىنىڭ چەمپيونى الماتى