مۇرات پەن مۇددە ۇيلەسىمى

تاۋەلسىزدىك سياقتى ۇلتتىق قۇندىلىقتى بۇگىنگى تاڭدا قازاق حالقى جۇرەگىمەن سەزىنۋى كەرەك. تاۋەلسىز ەلدىڭ ءبىر تۇعىرى – ۇلتتىڭ رۋحى, جىگەرى, قوعامدىق ساناسى. ازاماتتاردىڭ مۇددەسى مەن مۇراتى ۇشتاسقان قازاقستاننىڭ الەۋەتى ەل بىرلىگىندە, ۇلتتار تاتۋلىعىندا جاتىر. ەلىمىز ءۇشىن ححI عاسىر تاريحىنىڭ پاراعى پاراسات پەن پايىمعا تولى. ءبىزدىڭ ستراتەگيالىق مىندەتىمىز حالىق ءومىرىنىڭ ساپاسى مەن تۇرمىستىق دەڭگەيىن كوتەرۋ بولىپ تابىلادى. مەملەكەت باسشىسىنىڭ كورەگەندىگى مەن دەر كەزىندە جۇزەگە اسىرىلعان ساياسي-ەكونوميكالىق رەفورمالاردىڭ ارقاسىندا قازاقستان 2000 جىلدىڭ باسىندا ەۋروپا قاۋىمداستىعى, ال 2002 جىلى اقش تاراپىنان نارىقتىق ەكونوميكاسىن قالىپتاستىرعان ەل رەتىندە تانىلدى. ەلباسى ساياساتىنىڭ ناتيجەسىندە قازاقستاندى بۇكىل الەم مويىندادى. قازاقستاننىڭ ەقىۇ-عا توراعالىق ەتۋى قازاق ەلىنىڭ دۇنيە ءجۇزى قوعامداستىعى الدىنداعى بەدەلىن بيىكتەتە ءتۇستى. ەڭ باستىسى, مەملەكەت باسشىسى ناقتىلاعان «قازاقستان 2050» ستراتەگياسىنىڭ ماقساتتارى مەن ءمىن­دەتتەرى ويداعىداي جۇزەگە اسىرىلۋدا. ەلىمىزدىڭ كونستيتۋتسياسىندا «قازاق­ستان ءوزىن دەموكراتيالىق زايىرلى, قۇقىقتىق جانە الەۋمەتتىك مەملەكەت رەتىندە ورنىقتىرادى: ونىڭ ەڭ قىمبات قازىناسى – ادام مەن ادامنىڭ ءومىرى, قۇقىقتارى مەن بوستاندىقتارى» دەلىنگەن. دەمەك, قوعامدا تۇراقتىلىقتى, تاتۋلىقتى قالىپتاستىرىپ, ەلدىڭ ءال-اۋقاتىن جاقسارتۋ باستى ماسەلە بولىپ تابىلادى. ءبىز قازىر شىن مانىندە دەربەستىگىمىزگە داڭعىل جول اشىپ, ازات ويلاۋدى قالىپتاستىرۋ ۇستىندەمىز. ەلىمىز ليبەرالدى دەموكراتيالىق دامۋ جولىنا ءتۇستى. سونىمەن قاتار, ۇلتارالىق كەلىسىم مەن ساياسي تۇراق­تىلىققا نەگىزدەلگەن سەنىمنىڭ بيىك دەڭگەيى ساقتالىپ وتىر. ءوزىم قىزمەت اتقاراتىن قازاقستان رەسپۋبليكاسى باس پروكۋراتۋراسىنىڭ قۇقىقتىق ستاتيستيكا جانە ارنايى ەسەپكە الۋ جۇيەسى تاۋەلسىزدىك تۋىن كوتەرگەن ساتتەن باس­تاپ بۇگىنگى كۇنگە دەيىن قۇقىقتىق مەملەكەتكە جۇكتەلگەن مىندەتتى ابىرويمەن اتقارىپ كەلەدى. ونىڭ جۇمىسى تۇبەگەيلى وزگەردى, ماڭىزى زور كوپ سالالى قىزمەتتى جۇزەگە اسىرا باستادى. سونىڭ ءبىر ايعاعى, سوڭعى جىلدارى قۇقىقتىق ستاتيستيكا جانە ارنايى ەسەپكە الۋ جۇيەسىندە «ايقىن», «بيزنەس تىرەگى» جانە تاعى دا باسقا جاڭا سالالىق جوبالار قالىپتاسىپ, ءوز ءورىسىن جالعاستىرۋدا. ءبىز تاۋەلسىز ەل بولۋ ءۇشىن قانشاما قيىنشىلىقتاردى باسىمىزدان وتكىزدىك, ەندى وسى تاۋەلسىزدىگىمىزدى ساقتاپ قالۋ مەن تۇراقتىلىقتى قامتاماسىز ەتۋ ماقساتىندا, قۇقىقتىق ستاتيستيكا ورگاندارى اتقارعان ءىس-شارالار جانە الداعى ويلاستىرعان جوبالاردى جۇزەگە اسىرۋ ءۇشىن, حالقىمىزدىڭ ءال-اۋقاتىن جاقسارتۋ, ەكونوميكاسىن ءارى قاراي كوتەرۋ, مەملەكەتىمىزدىڭ گۇلدەپ جايناۋى, دەموكراتيالىق جانە قۇقىقتىق مەملەكەت قۇرۋ جولىندا ايانباي ەڭبەك ەتۋىمىز قاجەت. جومارت وسپانوۆ, اعا ادىلەت كەڭەسشىسى استانا