بۇگىن «ەگەمەن قازاقستان» گازەتىنىڭ رەداكتسياسىندا تاۋەلسىزدىكتىڭ 25 جىلدىعىنا وراي ۇجىم قىزمەتكەرلەرىنە ارنالعان سالتاناتتى شارا ءوتتى.
گازەت باسشىسى دارحان قىدىرالى تاۋەلسىزدىكتىڭ قۇندىلىعى تۋرالى ويلارىن ايتا كەلە, باسىلىمنىڭ وركەندەۋىنە ۇلەس قوسىپ كەلە جاتقان گازەت ۇجىمىنا العىس ءبىلدىردى. سونىمەن قاتار باسىلىمنىڭ بىر توپ قىزمەتكەرىن قۇرمەت گراموتاسىمەن جانە العىس حاتتارمەن ماراپاتتادى. ولاردىڭ قاتارىندا گازەتتىڭ شولۋشىلارى جىلقىباي جاعىپار ۇلى, قاراشاش توقسانباي, بەرىك سادىر, ءتىلشى جولدىباي بازار, سۋرەتشى ايداربەك عازيزوۆ, ءفوتوتىلشى ورىنباي بالمۇرات جانە اعا بەتتەۋشى الماس ماناپوۆ, وپەراتور ءلاززات نۇرپەيىسوۆا بار.
«ەگەمەن» قىزمەتكەرلەرى قاتارىنان ارداگەر جۋرناليست سۇلەيمەن مامەت كەشە «پاراسات» وردەنىمەن ماراپاتتالعان بولاتىن. بۇرىنىراقتا اقپارات سالاسىنداعى ۇزدىكتەرگە بەرىلەتىن «نۇر سۇڭقار» جۇلدەسىن گازەتتىڭ جامبىل وبلىسىنداعى مەنشىكتى ءتىلشىسى ورالحان ءداۋىت جەڭىپ العان-دى. بۇدان بولەك بىرنەشە جۋرناليست شىعارماشىلىق بايقاۋلاردىڭ جۇلدەگەرى اتاندى.
سالتاناتتى شارا سوڭىندا گازەت قىزمەتكەرلەرى ۇجىم بولىپ سۋرەتكە ءتۇستى.
