«تاۋەلسىزدىكتىڭ 25 اسا ماڭىزدى وقيعالارى» كىتابىنىڭ تۇساۋكەسەرى ءوتتى

ورتالىق كوممۋنيكاتسيالار قىزمەتىندە ەل تاۋەلسىزدىگىنىڭ 25 جىلدىعى قارساڭىندا جارىققا شىققان «تاۋەلسىزدىكتىڭ 25 اسا ماڭىزدى وقيعالارى» كىتابىنىڭ تۇساۋكەسەرى ءوتتى. قىزىلوردا وبلىسى اكىمىنىڭ ورىنباسارى رۋسلان رۇستەموۆ پەن كىتاپتىڭ اۆتورى, تاريح عىلىمدارىنىڭ دوكتورى, پروفەسسور بەرەكەت كارىباەۆ تاۋەلسىز قازاقستاننىڭ اسا ماڭىزدى وقيعالارى جونىندە ءۇش تىلدە سىر شەرتەتىن تۋىندىنى كوپشىلىككە تانىستىردى. «تاۋەلسىزدىكتىڭ 25 اسا ماڭىزدى وقيعالارى» كىتابى عىلىمي ەڭبەك ەمەس, كوپشىلىككە ارنالعان تانىمدىق كىتاپ. سوندىقتان بارشاڭىزدىڭ وقىپ, وتكەنىمىزگە كوز جىبەرىپ, بارىمىزدى باعالاۋعا اتسالىسىپ, وقىرمان بولۋعا شاقىرامىن», – دەدى ايماق باساشىسىنىڭ ورىنباسارى. ۇلتتىق عىلىم اكادەمياسىنىڭ كوررەسپوندەنت مۇشەسى, ءال-فارابي اتىنداعى قازاق ۇلتتىق ۋنيۆەرسيتەتى «قازاقستان تاريحى» كافەدراسىنىڭ مەڭگەرۋشىسى, تاريح عىلىمدارىنىڭ دوكتورى, پروفەسسور, قىزىلوردالىق كارىباەۆ بەرەكەت باقىتجان ۇلىنىڭ ۇزاق جىلعى ىزدەنىستەرىنىڭ ناتيجەسى تۋىندىنىڭ قۇندىلىعىن ارتتىرا ءتۇستى. «بۇل كىتاپ قازاقستان تاۋەلسىزدىگىنىڭ 25 جىلدىعىنا ارنالعان جانە قىزىلوردا وبلىسى اكىمدىگىنىڭ قولداۋىمەن جارىققا شىقتى. ارينە, وسى 25 جىل ىشىندە ەلىمىزدە ماڭىزدى دا ايتۋلى وقيعالار از بولماعانى بەلگىلى. دەگەنمەن, بۇل كىتاپتا ءبىزدىڭ كوزقاراسىمىزبەن اسا ماڭىزدى دەگەن 25 وقيعا ءۇش تىلدە جازىلىپ شىقتى. مۇندا كوتەرىلگەن ءاربىر جەتىستىكتەردىڭ بارلىعى ەل بىرلىگىن بەرىك ۇستانعان ەگەمەندىكتىڭ جيىرما بەس جىلىندا جاسالعان جاسامپاز ىستەر. وسىنداي ءاربىر جەتىستىگىك تۇڭعىش پرەزيدەنتتىڭ سارا دا ساليقالى ساياساتىمەن جۇزەگە اسىرىلىپ وتىرعانى بارشاعا ايان», – دەدى كىتاپتىڭ اۆتورى. ايدار ورىسباەۆ, «ەگەمەن قازاقستان»