تەڭگە باعامى تۇراقتانىپ كەلەدى

مەملەكەت باسشىسى نۇرسۇلتان نازارباەۆ ۇلتتىق بانكتىڭ توراعاسى دانيار اقىشەۆتى قابىلدادى, دەپ حابارلادى پرەزيدەنتتىڭ ءباسپاسوز قىزمەتى. كەزدەسۋ بارىسىندا ۇلت­تىق بانك توراعاسى قازاقستان پرەزيدەنتىنە 2016 جىلعى 11 ايداعى قارجى نارىعىنىڭ ءبۇ­گىنگى ناتيجەلەرى تۋرالى باياندادى. ۇلتتىق بانك باسشىسى تەڭگە با­عامىنىڭ الەمدىك نەگىز­گى ۆاليۋ­تالارعا قاتىستى تۇراق­تانىپ كەلە جاتقانىن اتاپ ءوتتى. – ۇلتتىق بانك سوڭعى ايلاردا ۆاليۋتا ساۋداسىنا قاتىسىپ وتىرعان جوق. وسىلايشا, ايىرباس باعامى ۇلتتىق بانك­تىڭ ارالاسۋىنسىز, وتە ەركىن جاعدايدا قالىپتاسۋدا. نارىق­­تا قۇنسىزدانۋ قاتەرى ازاي­دى. تەڭگە 3,4%-عا نىعاي­دى, نەگىزىنەن بۇل بيىلعى جەلتوقساندا مۇناي باعا­سىنىڭ كوتەرىلۋىنە بايلانىستى بولىپ وتىر, – دەدى د.اقىشەۆ. سونداي-اق, ۇلتتىق بانك توراعاسى بيىلعى قاراشا ايىنىڭ قورىتىندىسى بويىنشا ينفلياتسيا كورسەتكىشى قايتادان ءبىر تاڭبالى سانعا ورالىپ, 2016 جىلعى 11 ايدا 7,5% بولىپ وتىرعانىن مالىمدەدى. ەلباسى ۇلتتىق ۆاليۋتانىڭ ەركىن ايىرباس با­عا­مىنا كوشۋى بىلتىر وڭ ناتيجە بەرگەنىن اتاپ ءوتتى. – تەڭگەنىڭ ەنگىزىلگەن ەركىن ايىرباس باعامى ءوزىن ءوزى اقتادى. ايىرباس باعامى الەمدىك باعاعا بايلانىستى بولعاندىقتان, بىرقاتار اۋىتقۋلار ورىن الۋى مۇمكىن. الايدا, ءبىز ءتيىستى شارالار قابىلداۋعا ءازىرمىز, – دەدى نۇرسۇلتان نازارباەۆ. مەملەكەت باسشىسى بانك جۇيە­سىندەگى احۋالدى ودان ءارى تۇراق­تاندىرۋعا قاتىستى جانە قارجى نارى­عىنداعى جۇمىس جونىندە بىرقا­تار ناقتى تاپسىرما بەردى.