كەشە استانادا مەملەكەتتىك حاتشى گۇلشارا ابدىقالىقوۆا ەل دامۋى جولىندا ايانباي ەڭبەك ەتىپ جۇرگەن ءبىر توپ ازاماتقا مەملەكەتتىك ناگرادالار تاپسىردى. ماراپاتتالعاندار قاتارىندا مەملەكەتتىك قىزمەتشىلەر, مادەنيەت, ءبىلىم مەن عىلىم جانە دەنساۋلىق ساقتاۋ سالالارى مەن بيزنەس وكىلدەرى بولدى.
شارا بارىسىندا گۇلشارا ابدىقالىقوۆا ۇلتتىق مەرەكەمىز – تاۋەلسىزدىك كۇنى قارساڭىندا جوعارى ناگرادالاردى تاپسىرۋ يگى داستۇرگە اينالعانىن ايتا كەلىپ, بۇل كۇندەرى بۇكىل ەلىمىز قوعامدى دامىتۋعا جانە قازاقستان رەسپۋبليكاسىنىڭ تاۋەلسىزدىگىن نىعايتۋعا قوسقان جەكە ۇلەسى ءۇشىن كوپشىلىك قۇرمەتىنە بولەنىپ, ەرەكشە كوزگە تۇسكەن قازاقستاندىقتاردى ماراپاتتاپ جاتقانىنا توقتالدى. سونداي-اق, ول تاۋەلسىزدىكتىڭ 25 جىلىندا ەلىمىزدە الەۋمەتتىك-ەكونوميكالىق دامۋدىڭ قازاقستاندىق مودەلى قالىپتاسىپ, دەموكراتيالىق ساياسي جۇيە جانە جۇزدەن اسا ەتنوس پەن 18 كونفەسسيا وكىلدەرىنىڭ باسىن قوسقان ەتنوسارالىق كەلىسىمنىڭ بىرەگەي ينستيتۋتى – قازاقستان حالقى اسسامبلەياسى قۇرىلعانىن, قول جەتكىزىلگەن تابىستار قازاقستان پرەزيدەنتىنىڭ ستراتەگيالىق تۇرعىدان ويلاي بىلەتىن كورەگەندىگى مەن ساياسي ەرىك-جىگەرىنىڭ ايقىن كورىنىسى, ەل ازاماتتارىنىڭ قالتقىسىز قىزمەتى مەن قاجىرلى ەڭبەگىنىڭ ءناتيجەسى ەكەنىن اتاپ كورسەتتى.
– يگى ءداستۇر بويىنشا جىل سايىن تاۋەلسىزدىك كۇنى قارساڭىندا مەملەكەت باسشىسى نۇرسۇلتان نازارباەۆ ەل دامۋىنا ەڭبەگىن سىڭىرگەن قازاقستان ازاماتتارىنىڭ ەلەۋلى توبىن مەملەكەتتىك ناگرادالارمەن ماراپاتتايدى. بيىل ەلىمىزدىڭ مارتەبەلى مەرەيلى بەلەسىندە ەلباسىنىڭ جارلىعىمەن 2 710 ادام جوعارى مەملەكەتتىك ناگراداعا يە بولدى. بۇل ەل پرەزيدەنتىنىڭ قازاقستان ازاماتتارىنىڭ, ونىڭ ىشىندە سىزدەردىڭ تاۋەلسىزدىكتى نىعايتۋداعى ەڭسەلى ەڭبەكتەرىڭىزگە بەرگەن جوعارى باعاسى دەپ قابىلداۋىمىز كەرەك. ەل ءتاۋەل-
سىزدىگىنىڭ بيىلعى ماڭىزدى بەلەسى بارشا حالقىمىز ءۇشىن مەرەكەگە اينالۋدا. اتا-بابالارىمىز اڭساپ وتكەن تاۋەلسىزدىك 1991 جىلعى 16 جەلتوقسان كۇنى «قازاقستان رەسپۋبليكاسىنىڭ مەملەكەتتىك تاۋەلسىزدىگى تۋرالى» زاڭ قابىلدانعاننان كەيىن باستالعانى ءمالىم. شيرەك عاسىردا الەمدىك دەڭگەيدەگى تۇلعا – ەلباسىنىڭ سىندارلى ساياساتىنىڭ ارقاسىندا قازاقستان دەموكراتيالىق, ساياسي-قۇقىقتىق جۇيەسى بار, ەكونوميكاسى تۇراقتى, حالقىنىڭ ءال-اۋقاتى جوعارى, جاھانعا بەيبىت تىرلىك, بەرەكەلى دامۋمەن تانىلعان مارتەبەلى مەملەكەت رەتىندە قالىپتاستى, – دەدى مەملەكەتتىك حاتشى. ودان ءارى گ.ابدىقالىقوۆا از عانا ۋاقىتتان كەيىن ناگرادا العالى تۇرعانداردىڭ ىشىندە ءار الۋان ماماندىق يەلەرى بار ەكەنىن ايتا كەلىپ, تاۋەلسىزدىك تۇعىرىن بەكىتۋ جولىندا تەر توگىپ جۇرگەن بۇل ازاماتتاردىڭ قازاقستاندى جاڭا بيىككە باستاپ, ەڭبەكتە جەمىستى ءناتيجەلەر كورسەتە بەرەتىنىنە سەنىم ءبىلدىردى.
سونىمەن, مەملەكەتتىك, قوعامدىق قىزمەتتە سىڭىرگەن ەڭبەگى, ەلدىڭ الەۋمەتتىك-ەكونوميكالىق جانە مادەني دامۋىنا, حالىقتار اراسىنداعى دوستىق پەن ىنتىماقتاستىقتى نىعايتۋعا قوسقان ەلەۋلى ۇلەسى ءۇشىن ءىىى دارەجەلى «بارىس» وردەنى «قازاق تاماقتانۋ اكادەمياسى قب» جشس پرەزيدەنتى ت.شارمانوۆ پەن قارجى مينيسترلىگىنىڭ جاۋاپتى حاتشىسى ن.كورجوۆاعا بەرىلدى. بۇدان كەيىن, «پاراسات» وردەنىمەن – «ەگەمەن قازاقستان» گازەتىنىڭ شولۋشىسى, بەلگىلى قالامگەر س.مامەت, «قازاتومونەركاسىپ» ۇاك» اق باسقارما ءتوراعاسى ا.جۇماعاليەۆ, «قازاق مەملەكەتتىك قىزدار پەداگوگيكالىق ۋنيۆەرسيتەتى» رمك رەكتورى د.نۇكەتاەۆا, اقىن س.تۇرعىنبەك ۇلى, قازاقستاننىڭ قول دوبى فەدەراتسياسىنىڭ قۇرمەتتى پرەزيدەنتى د.تۇرلىحانوۆ, مەملەكەتتىك كۇزەت قىزمەتى پرەزيدەنتتىك وركەسترىنىڭ باس ءسوليسى ج.باقتاي, «ۇلتتىق ونەر» جشس ديرەكتورى ت.بۋرميستروۆا, ساۋلەتشىلەر وداعىنىڭ پرەزيدەنتى ا.رۇستەمبەكوۆ, قاۋىپسىزدىك كەڭەسى حاتشىلىعىنىڭ مەڭگەرۋشىسى س.ءتاڭىربەرگەن, پرەزيدەنت كەڭسەسى باستىعىنىڭ ورىنباسارى ب.تەمىربولات, پرەزيدەنت اكىمشىلىگىنىڭ ءبولىم مەڭگەرۋشىسى ع.تىلەۋبەكوۆ ماراپاتتالدى.
ال ءىى دارەجەلى «دوستىق» وردەنى «جاستار تەاترى» مكقك كوركەمدىك جەتەكشىسى ن.جاقىپباي مەن «مەملەكەتتىك رەسپۋبليكالىق كورەي مۋزىكالىق كومەديا تەاترى» رمقك ديرەكتورى ل.نيگە تاپسىرىلدى.
«قۇرمەت» وردەنىنە – پرەزيدەنت اكىمشىلىگى ءبولىم مەڭگەرۋشىسىنىڭ ورىنباسارى س.ايداربەكوۆ, پرەزيدەنت باسپاسوز حاتشىسىنىڭ ورىنباسارى م.اكىمجانوۆا, ش.ايمانوۆ اتىنداعى «قازاقفيلم» اق ۆيتسە-پرەزيدەنتى س.جۇباندىقوۆ, «North Caspian Operating Company» كومپانياسىنىڭ ديرەكتورى ر.اۋباكىروۆ, پرەزيدەنت اكىمشىلىگىنىڭ ءبولىم مەڭگەرۋشىسى ن.گاليحين, كوكشەتاۋ قالاسىنداعى «كراسنىي يار №1 ورتا مەكتەبى» كمم مۇعالىمى و.مۋرزاگەلدينوۆا, قازاق ۇلتتىق ونەر ۋنيۆەرسيتەتىنىڭ دوتسەنتى ۇ.ءنۇسىپالى, «ۇلتتىق شتاتتىق كوماندالار جانە سپورت رەزەرۆى ديرەكتسياسى» رمقك نۇسقاۋشى-سپورتشىسى د.سادۋاقاسوۆا, الماتى وبلىسىنداعى «كورموۆيك» جشس باس ديرەكتورى ن.سىدىقوۆ, پرەزيدەنت اكىمشىلىگىنىڭ ءبولىم مەڭگەرۋشىسى ءا.تۇرسىنوۆ, پرەزيدەنت اكىمشىلىگىنىڭ باسشىسى حاتشىلىعى مەڭگەرۋشىسىنىڭ ورىنباسارى يۋ.چەركاسوۆ لايىقتى دەپ تانىلدى.
سونىمەن قاتار, ءىىى دارەجەلى «ەڭبەك داڭقى» وردەنى قاراعاندى قالاسىنداعى «ارسەلور ميتتال تەمىرتاۋ» اق كومىر دەپارتامەنتى ي.كوستەنكو اتىنداعى شاحتاسىنىڭ جۇمىسشىسى ق.سۇلەيمەنوۆكە, قىزىلوردا وبلىسىنداعى «ارال بالىق وڭدەۋ زاۋىتى» جشس اعا شەبەرى ك.كەمالوۆاعا, سولتۇستىك قازاقستان وبلىسىنداعى «نەجينكا-ەركە» جشس ساۋىنشىسى ر.ياتسۋكوۆاعا بەرىلدى.
«قازاقستاننىڭ ەڭبەك ءسىڭىرگەن قايراتكەرى» قۇرمەتتى اتاعىمەن «قازاق اۋەندەرى» اق فيليالى – «گۇلدەر» ءانسامبلىنىڭ ءانشىسى ۇلىقپان جولداسوۆ, «دوس-مۇقاسان» ءانسامبلىنىڭ كوركەمدىك جەتەكشىسى مۇرات قۇسايىنوۆ, «قازاقستان حالقىنىڭ رۋحاني دامۋ قورى» اق پرەزيدەنتى ج.بولدىقوۆا, «ن.ساتس اتىنداعى ورىس مەملەكەتتىك اكادەميالىق بالالار مەن جاسوسپىرىمدەر تەاترى» رمقك ديرەكتورى ن.گوروبەتس, «استانا وپەرا» مەملەكەتتىك وپەرا جانە بالەت تەاترى» كەاق جەتەكشى وپەرا ءسوليسى ج.عابدۋللينا, «قازاق اۋەندەرى» اق فيليالى «گۇلدەر» ءانسامبلىنىڭ ءانشىسى ن.قونىسباەۆ, «قازاقكونتسەرت» مەملەكەتتىك كونتسەرتتىك ۇيىمى» رمقك ءارتىسى ە.رىسقالي ماراپاتتالدى.
ال «ەرەن ەڭبەگى ءۇشىن» مەدالى پرەزيدەنت اكىمشىلىگى ءبولىم مەڭگەرۋشىسىنىڭ ورىنباسارى ن.كۋزمين مەن پرەزيدەنت اكىمشىلىگى ءبولىم مەڭگەرۋشىسىنىڭ ورىنباسارى ە.قۇدايبەرگەنوۆكە بەرىلدى.
جيىن سوڭىندا گ.ءابدىقالىقوۆا قاتىسۋشىلاردى الدا كەلە جاتقان تاۋەلسىزدىك كۇنىمەن قۇتتىقتاپ, بارشاعا بەيبىتشىلىك پەن باق-بەرەكە, وتانىمىزدىڭ يگىلىگى جولىنداعى ەڭبەكتەرىنە تابىس تىلەدى.
جولدىباي بازار,
«ەگەمەن قازاقستان»
سۋرەتتەردى تۇسىرگەن
ەرلان وماروۆ,
«ەگەمەن قازاقستان»
