ەل بىرلىگىن ەرەكشەلەگەن

 «تاۋەلسىز قازاقستان» پويىزى كۇرەڭبەلگە ايالداپ, قاپشاعايعا كەلدى ەل تاۋەلسىزدىگىنىڭ 25 جىلدىعىنا ارنالعان «تاۋەلسىز قازاقستان» پويىزى كەربۇلاق اۋدانىنىڭ سارىوزەك بەكەتىنە ايالدادى. الماتى وبلىستىق قازاقستان حالقى اسسامبلەياسىنىڭ ءمۇ­شەلەرى جانە ءوڭىر تۇرعىن­دارىنان قۇرالعان 2000 ادام قاتىسقان سالتاناتتى جيىن ءوتتى. اكتسيانى كەربۇلاق اۋ­دا­نىنىڭ əكىمى باعدات اليەۆ اشىپ, تەمىر جول بەكەتىنە كەلگەن سان سالا ماماندارىنىڭ اتقاراتىن جۇ­مىستارىنا سəتتىلىك تىلەدى. كەلەسى كەزەكتە وبلىستىق قحا مۇشەلەرى, عىلىمي-ساراپ­شى­لىق كەڭەسىنىڭ جانە ەتنومادەني ءبىر­لەستىكتەردىڭ وكىلدەرى پويىزبەن كەلگەن ماماندارمەن ەتەنە ارالاسىپ كەتتى. قۇقىق, كəسىپكەرلىك جəنە بيزنەس, اۋىل شارۋاشىلىعى, تۇتىنۋشىلار قۇقىعىن قورعاۋ, ءبىلىم بەرۋ مəسەلەلەرى بويىنشا كاسىبي ماماندار جۇمىس جاسادى. بۇل بەكەتتە دە ءۇمىت ارتىپ كەلۋشىلەردىڭ كوپشىلىگى دەنساۋلىق ساقتاۋ سالاسى ماماندارىنىڭ كومەگىنە جۇگىنىپ, اۋداندىق ەمحانادا دəرىگەرلەر كۇنى بويى ەمدەلۋشىلەردى قابىلداپ, مەديتسينالىق مəسەلەلەر بو­يىنشا كەڭەستەر بەردى. جالپى, دارىگەرلىك قىزمەت 248 ادامدى قامتىدى. ونىڭ ىشىندە 30-ى بالا بولدى. استانا جانە الماتى قالالارىنداعى مە­دي­تسينالىق ورتالىقتارعا 6 ادام جىبە­رىلسە, 2 ادام ۇيلەرىندە كەڭەس الدى. اۋداندىق جۇمىسپەن قامتۋدى ۇيلەستىرۋ جانە الەۋمەتتىك باع­دارلامالار ءبولىمىنىڭ عيماراتىندا الەۋ­مەتتىك احۋال بويىنشا 40 ادام­نىڭ ءوتىنىش-تىلەكتەرى تىڭدالدى. ءادى­لەت مينيسترلىگى وكىلدەرىنىڭ قاتى­سۋىمەن قۇقىقتىق كومەك كورسەتۋ جانە زاڭ ماسەلەلەرى بويىن­شا وتكەن قابىلداۋعا 15 ادام كەلدى. تۇ­تىنۋشىلار تاراپىنان ساۋ­دا ورىن­دارىنداعى باعانىڭ تۇراقسىز­دىعى, كوكونىستەردىڭ ساپاسى, ساپاسىز ونىمدەردى قالاي قايتارۋعا بولا­تىندىعى تۋرالى سۇراقتار قويىل­دى. كاسىپكەرلىك جانە اۋىل شارۋا­شى­لىعى ماسەلەلەرى بويىنشا 30 ادامعا كونسۋلتاتيۆتىك كەڭەستەر بەرىلدى. جوعارى وقۋ ورىندارىنا وقۋ­عا ءتۇسۋ ءۇشىن جەتىم بالالار, از قام­تىلعان وتباسىلارىنان شىققان تۇلەكتەرگە جەڭىلدىكپەن نەسيە, دەپوزيت بولۋگە قانداي كومەك كورسەتىلەدى؟ بالاباقشاعا قابىلداۋ كەزىندە كوپ بالالى وتباسىنان شىققان, نەمەسە الەۋمەتتىك جاعدايى تومەن ءارى از قامتىلعان وتباسى بالالارىنا ۇكىمەت تاراپىنان تولەماقىعا 50 پايىزدىق جەڭىلدىكتەر قاراستىرىلعان با؟ شا­عىن ورتالىقتارعا مۋزىكا, دەنە شى­نىقتىرۋ سالالارى بويىنشا جە­تەكشىلەر جەتىسپەيتىندىگى ەسكەرىلىپ, شتاتتى كوبەيتسە, دەگەن ۇسىنىستار ايتىلدى. جالپى, ءىس-شاراعا 2 600-دەن اسا ادام قامتىلدى. ەل ساۋالىن ارقالاعان «تəۋ­ەل­سىز قازاقستان» پويىزى قاپ­شاعاي قا­لاسىنا جول تارتتى. * * * ەلىمىزدەگى ەڭ ءىرى مە­گو­پو­ليس­تىڭ ىرگەسىندە ورنالاسقان قاپشا­عاي­لىقتاردىڭ وزدەرىن الماتىلىقتار سەكىلدى سەزى­نە­تىندەرى دە راس. ولار بۇل كۇنى دە تاتۋلىقتارىن ايقىن اڭ­­عارتىپ, «تاۋەلسىز قازاقستان» پو­يى­زىن ەرەكشە قۇرمەتپەن قارسى الدى. مەملەكەتتىك ءمانى بار رەس­پۋب­ليكالىق اكتسيانى قاپشاعاي قالاسى اكىمىنىڭ ورىنباسارى قالقاباي اقتانبەردى اشىپ بەردى. قالىپتاسقان ءداستۇر بويىنشا اكتسيا مۇشەلەرى وزدەرىنە جۇكتەلگەن مىندەتتەرىن ادال اتقارىپ, حالىقتىڭ كوڭىلىنەن شىعا ءبىلدى. – التىنكول بەكەتىنەن جەتىسۋ جەرىنە كىرگەلى بەرى ىرىس­تى ەلدىڭ ىنتىماعىن كورىپ, رازى بولدىق. وسى ەلدىڭ نيەتىنىڭ اقتىعى اسەر ەتكەن دە شىعار, دەنساۋلىق ساقتاۋ, ءبى­لىم بەرۋ, الەۋمەتتىك قولداۋ, زاڭ­گەرلىك كومەك كورسەتۋ سەكىلدى سان سالا بويىنشا رەسپۋبليكامىزدان جينالعان بىلىكتى ماماندار شارشا­عان­دىقتارىن بىلدىرمەي, ءار بەكەتكە ايالداعان سايىن تىڭ كۇشپەن كومەك كورسەتتى. ناتيجەسىندە حالىق رازى بولدى. راس, قالالارداعىداي قول­­جەتىمدىلىك الىستاعى اۋىل­­داردا جوق قوي. سوندىقتان قاراپايىم عانا ءبىر جۇمىس اۋىل تۇرعىن­دارىنا ۇلكەن پروبلەما بولىپ كورىنەدى. ونى جان-جاقتى دالەلدەۋدىڭ ءوزى ارتىق. تەك تۇسىنىستىكپەن قاراۋ كەرەك تە, مۇمكىندىگىنشە كومەكتەسۋ قاجەت. مىنە, وسىنداي وزەكتى ماسەلە­لەردى ەسكەرسە كەرەك, ەلباسى ارنايى تاپسىرما بەرىپ, ءبىزدى استانادان اتتان­دىردى. حالىققا كورسەتكەن ادال قىزمەتىمىزدى بۇقارالىق اقپا­رات قۇرالدارى ءوز ۋاقىتىندا سول ەلگە كورسەتىپ, جازىپ تا وتىردى. شىنى كەرەك, الماتى وبلىسىن­دا تۇراتىن 103 ەتنوس وكىلى ىنتى­ما­عىمەن, تاتۋلىعىعىمەن ءتانتى ەتتى. «ىرىس الدى – ىنتىماق» دەگەن قازاقى دانالىقتىڭ جارقىن دالە­لى ەكەنىن اڭعارتتى. سوندىقتان, جەتىسۋ­لىقتارعا ءدان رازىمىز, – دەدى «ءتاۋ­ەلسىز قازاقستان» پويىزىنىڭ جەتەك­شىسى, ل.ن.گۋميلەۆ اتىنداعى ەۋ­رازيا ۇلتتىق ۋنيۆەرسيتەتى «حالىق­ارالىق قاتىناستار» كافەدرا­سىنىڭ پروفەسسورى ءامىرجان الپەيىسوۆ. سونىمەن, جەتىسۋدىڭ جەتىنشى بەكەتىندە دە 2 500 ادامعا قىزمەت كور­سەتىپ, كونسۋلتاتيۆتىك كەڭەس بەرىپ, ەل العىسىن ارقالاعان «تاۋەلسىز قا­زاقستان» پويىزى قاپشاعايدان سوڭعى بەكەتى – الماتىعا اتتانىپ كەتتى. نۇربول الدىباەۆ, «ەگەمەن قازاقستان» الماتى وبلىسى