«تاۋەلسىز قازاقستان» پويىزى ساپارىن اياقتادى

14 جەلتوقسان كۇنى الماتى قالاسىنىڭ تەمىرجول ۆوكزالىنا ەل اۋماعى بويىنشا 43 كۇندىك ساپاردان كەيىن «تاۋەلسىز قازاقستان» پويىزى كەلىپ توقتايدى, دەپ حابارلادى قازاقپارات. ەل تاۋەلسىزدىگىنىڭ 25 جىلدىعىنا ارنالعان رەسپۋبليكالىق اكتسيانى قازاقستان حالقى اسسامبلەياسى ۇيىمداستىرعان بولاتىن. پويىز 43 كۇننىڭ ىشىندە ەلىمىزدىڭ بارلىق وڭىرلەرىن ارالاپ, 35 ەلدى مەكەندە بولدى. ناتيجەسىندە: قوعامدىق كەلىسىم كەڭەستەرىنىڭ قوعامدىق قابىلداۋلارىندا, قوعامدىق كەلىسىم جانە جالپىۇلتتىق بىرلىك سالاسىنداعى نەگىزگى قاعيدالاردى, «ماڭگiلiك ەل» جالپىۇلتتىق  پاتريوتتىق يدەياسىن ءتۇسىندىرۋ بويىنشا ءدارىس-تانىستىرىلىمدارعا, سەمينار-ترەنينگتەرگە 9,5 مىڭنان استام ادام قاتىستى; ازاماتتارعا مەديتسينالىق جانە كونسۋلتاتيۆتىك-دياگنوستيكالىق كومەك كورسەتۋ ماسەلەلەرى بويىنشا 11,5 مىڭنان استام ادام قاتىستى; جەرگىلىكتى حالىققا الەۋمەتتىك قىزمەتتەر, دەنساۋلىق ساقتاۋ, ادىلەت ورگاندارى, ۇلتتىق ەكونوميكا, اۋىل شارۋاشىلىعى, ءبىلىم جانە عىلىم, اقپارات جانە كوممۋنيكاتسيالار مينيسترلىكتەرى وكىلدەرىنىڭ  كونسۋلتاتسيالىق قىزمەتتەر كورسەتۋ بويىنشا كەزدەسۋلەرىنە  63,5 مىڭنان استام ادام قاتىستى; پويىز قۇرامىندا قر پارلامەنتىنىڭ دەپۋتاتتارى, قحا مۇشەلەرى, مادەنيەت جانە سپورت قايراتكەرلەرى, مەديتسينا جانە الەۋمەتتىك سالالار قىزمەتكەرلەرى جۇمىس ىستەدى.