تەمىر جول ارداگەرلەرىنە وردەن تاپسىرىلدى

كەشە «قازاقستان تەمىر جولى» ۇلتتىق كومپانياسى» اكتسيونەرلىك قوعامىنىڭ اكىمشىلىك عيماراتىندا سالانىڭ وركەندەۋىنە ۇلەس قوسقان ارداگەرلەر ماماندارى مەن شەتەلدىك ارىپتەستەرىن سالتاناتتى جاعدايدا ماراپاتتادى. باسقوسۋعا پرەمەر-ءمينيستردىڭ ءبىرىنشى ورىنباسارى اسقار مامين قاتىسىپ, ءسوز سويلەدى. ول ەلىمىزدەگى تەمىر جول سالاسىنىڭ قارقىندى دامۋىن اڭگىمەلەپ, تەمىرجولشىلاردىڭ ەڭبەگىن ەرەكشە اتاپ ءوتتى. «قازاقستان ەلباسى نۇرسۇلتان نازارباەۆتىڭ تىكەلەي باستاماسىمەن جۇزەگە اسىرىلعان جوبالاردىڭ ارقاسىندا تۇراقتى ىلگەرىلەۋ ۇستىندە. ءبىز قىسقا مەرزىمدە ماڭىزى ۇلكەن تابىستارعا قول جەتكىزىپ, حالىقارالىق ارەنادا مارتەبەمىز اسقاقتادى. پرەزيدەنتتىڭ بىرەگەي شەشىمىمەن جاڭا الەمدەگى ورنى ايرىقشا ەلوردامىز – استانا سالىندى. بۇل قالا – قازىرگى تاڭدا تاۋەلسىزدىگىمىزدىڭ سيمۆولى. ەگەمەندىك العالى بەرى ەلىمىزگە شەت مەملەكەتتەردەن تارتىلعان ينۆەس­تيتسيا كولەمى 265 ميلليارد دوللاردى قۇرادى», دەگەن اسقار ۇزاقباي ۇلى ەلىمىزدىڭ ەكسپورتتىق جانە ترانزيتتىك الەۋەتى دامىپ جاتقانىن ايتتى. ءبىرىنشى ۆيتسە-پرەمەردىڭ سوزىنە قاراعاندا, ەلباسى باستاماسىمەن كولىك جانە لوگيستيكا سالاسىندا قازاقستان جانە ەۋرازيا كونتينەنتى ءۇشىن تاريحي ماڭىزى بار جوبالار قولعا الىنعان. سالتاناتتى جيىندا «قازاقستان تەمىر جولى» ۇك» اق باسشىسى قانات الپىسباەۆ ارىپتەستەرىن ەل تاۋەلسىزدىگىنىڭ مەرەيتويىمەن قۇتتىقتادى. ول كومپانيانىڭ جەتىستىكتەرىن ءسوز ەتىپ, ەگەمەندىك العالى قازاقستان ەكونوميكاسىنىڭ قانات جايۋى­نا سەرپىن بەرەتىن ىرگەلى ىستەردىڭ اتقارىلعانىن اڭگىمەلەدى. شارا بارىسىندا كوپشىلىك قازاقستان تەمىر جولىنىڭ تاريحىنا ارنالعان دەرەكتى ءفيلمدى كورىپ, كوركەمونەرپازداردىڭ كونتسەرتىن تاماشالادى. سودان كەيىن ءبىر توپ تەمىرجول سالاسىنىڭ ارداگەرى مەن شەتەلدىك ارىپتەستەرى «قۇرمەت», «پاراسات» جانە ەكىنشى دارەجەلى «بارىس» وردەندەرىمەن ماراپاتتالدى. «ەكونوميكانىڭ كۇرەتامىرى سانالاتىن تەمىر جول لوكوموتيۆىندە ون سەگىز جاسىمنان باس­تاپ قىزمەت ەتىپ كەلەمىن. كوپتەگەن جوبالارعا قاتىسىپ, تامشىداي بولسا دا ۇلەسىمدى قوستىم. ارىپتەستەرىمنىڭ ارقايسىسىنىڭ ەڭبەگى ۇشان-تەڭىز. سونى ەلەپ-ەسكەرگەن, ىقىلاسىنا بولەگەن باسشىلىققا العىسىمىز شەكسىز», دەپ اعىنان جارىلدى قازاقستان تەمىر جولى اكادەمياسىنىڭ رەكتورى باقىتجان قۋانىشوۆ. اسحات رايقۇل, «ەگەمەن قازاقستان»