گرەكيادان ەجەلگى قالانىڭ ءىزى تابىلدى

گرەكيانىڭ ورتالىق بولىگىنەن ارحەولوگتار شامامەن 2,5 مىڭ جىل بۇرىنعى ەجەلگى قالانى تاۋىپ الدى, دەپ حابارلايدى قازاقپارات. بۇل افينانىڭ سولتۇستىگىندە كارديتسا ماڭىندا ورنالاسقان. قالانى تاپقان ارحەولوگتار گەتەربورگ ۋنيۆەرسيتەتىندە (شۆەتسيا) جۇمىس ىستەيدى. «ەندى ءبىز ەجەلگى زامانداردا اۋىلدار مەن ەلدى مەكەندەر ەمەس, ناعىز قالالاردىڭ بولعانىن دالەلدەي الامىز», – دەيدى انتيكالىق مادەنيەتتى زەرتتەۋمەن اينالىساتىن عالىم روبين ريونلۋند. تابىلعان قابىرعالار مەن ىرگەتاس قالدىقتارى جەر ۇستىندە جاتىر. جانە ارنايى رادار ارقىلى جەر استىنداعى ەجەلگى نىسانداردى دا انىقتالدى. «ءبىز ءالى قازبا جۇمىستارىمەن اينالىسقان جوقپىز, دەگەنمەن جەر استىنداعى نىسان تۋرالى بارلىق مالىمەت بار. ماسەلەن, قالا جولدارىنىڭ تۇتاس جەلىسى بار ەكەنىن بىلەمىز», – دەدى روبين ريونلۋند. شۆەد عالىمدارى كەلەسى جىلى گرەكيالىق ارىپتەستەرىمەن بىرلەسىپ, ەجەلگى قالا تابىلعان اۋماقتى تولىق زەرتتەۋدى جوسپارلاپ وتىر.