«قازپوشتا» الماتىدا وتەتىن ۋنيۆەرسيادانى ماڭگىلىك ەستە قالدىرۋ ماقساتىندا ارنايى پوشتالىق ماركالار شىعارىپ وتىر. وسىعان وراي «الماتى ارەنا» عيماراتىندا سالتاناتتى تۇردە ماركالارعا ءمور باسىلدى. سونداي-اق, «EMS-Kazpost» 2017 جىلعى ۋنيۆەرسيادانىڭ رەسمي كۋرەرى دەپ تانىلدى.
ماركاعا ءمور باسۋ سالتاناتىندا الماتى قالاسىنداعى 2017 جىلعى XXVIII دۇنيەجۇزىلىك قىسقى ۋنيۆەرسيادانى ۇيىمداستىرۋ جانە وتكىزۋ ديرەكتسياسىنىڭ جەتەكشىسى نايل نۋروۆ پەن «قازپوشتا» اق «EMS-Kazpost» فيليالىنىڭ ديرەكتورى ەركىنبەك دۋسكۋجانوۆ ءمامىلەگە كەلىپ, قول الىستى.
– ءبىز ەندى ۋنيۆەرسيادانىڭ رەسمي كۋرەرى – «قازپوشتا» اق-تىڭ «EMS-Kazpost» فيليالى بولعانىن قۋانا حابارلايمىز. ديرەكتسيامىزدىڭ حات-حابارلارىن الەمنىڭ ءار تۇكپىرىنە جانە ءوز ەلىمىزدىڭ كەز كەلگەن تۇرعىلىقتى مەكەنىنە جەدەل جەتكىزە الاتىن كومپانيانى تاڭداۋ ءبىز ءۇشىن وتە ماڭىزدى. ءبىزدىڭ تالاپتارىمىزعا «EMS-Kazpost» تولىعىمەن ءسايكەس كەلەدى. سونىمەن قاتار, بۇل كومپانيا ەستافەتا الاۋىنا كەرەكتى ءىرى كولەمدەگى جۇكتى دە تاسىمالدايدى. ال ۋنيۆەرسيادانىڭ قۇرمەتىنە ماركا شىعارۋ – بۇل شارانىڭ ەل تاريحىنداعى ماڭىزدىلىعىن كورسەتەدى, – دەدى نايل نۋروۆ.
ءوز كەزەگىندە «كازپوشتانىڭ» «EMS-Kazpost» فيليالى دا ۋنيۆەرسيادانىڭ رەسمي كۋرەرى بولۋ ۇسىنىسىن قۋانا قابىلداعان.
– وسى سەرىكتەستىك بارىسىندا بىزدەر شەت مەملەكەتتەرگە مىڭنان استام سالەمدەمەلەردى جەتكىزەمىز, ال قازاقستان بويىنشا 10 توننا شاماسىنداعى ءىرى كولەمدەگى جۇك تاسىمالدايمىز. سونىمەن قاتار, ءبىز تاۋارلار مەن باسقا دا قۇندىلىقتاردى ساقتاۋعا ارنالعان 500 شارشى مەترلىك قويمانى پايدالانۋعا بەرەمىز, – دەيدى «كازپوشتا» اق «EMS-Kazpost» فيليالىنىڭ ديرەكتورى ەركىنبەك دۋسكۋجانوۆ.
«الماتى قالاسىنداعى 2017 جىلعى ححVIII دۇنيەجۇزىلىك قىسقى ۋنيۆەرسيادا» تاقىرىبىنداعى «سپورت» توپتاماسىنداعى پوشتالىق بلوكتىڭ ماركاسى 4 بوياۋلى وفسەتتى تاسىلمەن باسىلعان, پەرفوراتسياسى جاقتاۋلى. بلوكتىڭ ءولشەمى 90 ح 100 مم. ماركانىڭ ولشەمى 28 ح 40 مم. تارالىمى – 7 500 بلوك. سۋرەتشى ك.پلۋجنيكوۆا. بەلگىلەنگەن باعاسى 300 تەڭگە. پوشتالىق ماركالار «قازاقستان رەسپۋبليكاسى ۇلتتىق بانكىنىڭ بانكنوت فابريكاسى» رەسپۋبليكالىق مەملەكەتتىك كاسىپورنىندا باسىپ شىعارىلدى.
ايناش ەسالي,
«ەگەمەن قازاقستان»
