«مۇزبالاق» كەلەسى جىلى اياقتالادى

...ەرتە ەرتە ەرتەدە ايداھارعا اينالىپ كەلە جاتقان ءابجىلان ويانىپ كەتىپ, جەر بەتىنە شىعىپ, ماڭايىن جالماپ, ۇلكەن اپات, ۇرەي تۋعىزادى. اۋىلداردى وتقا وراپ, قارسى كەلگەندى قاقىراتىپ كەلە جاتقاندا, ءبىر قىران بۇركىت بالاپانىن قورعاپ, ونىمەن ايقاسىپ, اقىرى ءابجىلان قايتا جەر استىنا قۇلاپ, جوق بولادى. ال قىران وتقا ورانعان ۇيادان بالاپانىن الىپ, الىسقا ۇشىپ كەتەدى. ادام جۇتىپ دانىككەن ءابجىلان كۇن تۇتىلىپ, ءوزىنىڭ ايداھارعا اينالار ءساتىن اسىعا كۇتەدى. ال بۇل ايداھاردى جەڭە الاتىن تەك باياعى بالاپان – مۇزبالاق قانا. بۇل كۇندەرى ش.ايمانوۆ اتىن­داعى «قازاقفيلم» اق وتكەن جىلى وندىرىسكە جىبەرگەن «مۇز­بالاق» تولىق­مەتراجدى انيما­تسيالىق ءفيلمىنىڭ ءتۇسىرىلىم جۇمىس­تارى جال­عاستىرۋدا. تۇردىبەك مايدان مەن تىلەك تولەۋعازى رەجيس­سەرلىك جاساپ جاتقان «مۇز­بالاقتىڭ» ەكرانعا شىعۋى قازاق مۋل­تيپ­لي­كا­تسياسىنىڭ 50 جىل­دى­عىنا سايكەس, 2017 جىلدىڭ كۇزىندە اياقتالادى دەپ جوسپارلانۋدا. سونداي-اق, «قازاقفيلم» كي­نو­ستۋدياسىنىڭ نەگىزىندە جا­سال­عان «انيماتسيالىق كينو» شى­عار­ماشىلىق-وندىرىستىك ءبىر­­لەس­تىگىندە ءون­دىرىسكە جىبەر­گەلى وتىر­عان «كۇلتەگىن» تولىق­مە­تراج­دى ءمۋلتفيلمىنىڭ دايىندىق جۇ­مىستارى باستالدى. ۇلتتىق ستۋديانىڭ «اني­ما­تسيا­لىق كينو» شىعار­ماشىلىق-وندىرىستىك ءبىر­لەستىگى 2009 جىلدان بەرى جۇمىس ىستەيدى. وسى ارالىقتا 36 قىس­قا­مەتراجدى اني­ماتسيالىق فيلم (جىلىنا ورتا ەسەپپەن 6 فيلمنەن), سونداي-اق, قازاق انيماتسياسى تاريحىندا تۇڭعىش رەت 3D فورماتىندا «ەر توستىك جانە ايداھار» تولىقمەتراجدى انيماتسيالىق ءفيلمى ءتۇسىرىلدى. وتكەن جىلى ش.ايمانوۆ اتىن­داعى «قازاقفيلم» كينوستۋدياسى «قازاقستان – ءبىز­دىڭ ورتاق شا­ڭى­راعىمىز» اتتى انيماتسيالىق فيلم توپتا­ما­سىنىڭ تۇساۋىن كەستى. بۇل ءتۇرلى حا­لىقتاردىڭ ەڭ قىزىق اڭگى­مە­لەرىن توپتاستىرعان ارقيلى ەرتەگىلەردىڭ بىرەگەي جيناعى بولىپ تابىلادى. اتالعان انيماتسيالىق توپتامانىڭ قازاقستان حالقى اسسام­بلەياسىنىڭ 20 جىلدىعىنا ارنالعان كىرىسپە ءبولىمى ەلىمىزدىڭ تاريحى مەن مادەنيەتى جايىندا, سونداي-اق, بەيبىتشىلىك پەن كەلىسىم جاعدايىندا 130-دان استام ۇلتتار مەن ۇلىستار ءومىر ءسۇرىپ جاتقان قازىرگى تاۋەلسىز قازاقستان جايلى باياندايدى. قالعان سەگىز فيلم حالىق ەرتەگىلەرىنىڭ جەلىسى بويىنشا جاسالعان. ايناش ەسالي, «ەگەمەن قازاقستان» الماتى