ىستانبۇل ۋنيۆەرسيتەتىندە «ءال-فارابي» زەرتتەۋ ورتالىعى اشىلدى

تۇركيانىڭ ىستانبۇل ۋنيۆەرسيتەتىندە ەل تاۋەلسىزدىگىنىڭ 25 جىلدىعى قارساڭىندا «ءال-فارابي» ەۋرازيالىق زەرتتەۋ ورتالىعى اشىلدى, دەپ حابارلايدى قازاقپارات. «جاڭادان اشىلعان ورتالىق ورتاق عىلىمي-زەرتەۋ جوبالارىن جۇزەگە اسىراتىن حالىقارالىق الاڭ بولماق. بۇل ورتالىق – تۇركيا عالىمدارىنىڭ ۇلى فيلوسوفقا دەگەن جوعارى قۇرمەتىنىڭ بەلگىسى جانە قازاق حالقىنا دوستىق ىقىلاسى», – دەيدى قازۇۋ ءباسپاسوز قىزمەتىنىڭ وكىلى ايگەرىم كامالدينوۆا. ەۋرازيالىق «ءال-فارابي» ورتالىعى كاسىبي كادر دايىنداۋعا, قازۇۋ عالىمدارىنىڭ ەڭبەكتەرىن ىستانبۇل ۋنيۆەرسيتەتىنىڭ حالىقارالىق باسپالارىندا جاريالاۋعا جانە ءبىلىم بەرۋ, عىلىمي-زەرتتەۋ قىزمەتىن دامىتۋعا باعىتتالعان. قازۇۋ پروفەسسورلارى ورتالىقتا قازاق ءتىلى, قازاقستان تاريحى مەن مادەنيەتىنەن ساباق بەرەتىن بولادى. ايتا كەتەيىك, ورتالىقتىڭ اشىلۋ سالتاناتىندا ىستانبۇل ۋنيۆەرسيتەتىنىڭ باسشىسى, پروفەسسور ماحمۋت اك قازۇۋ رەكتورى عالىم مۇتانوۆقا تۇركيانىڭ بەدەلدى ۋنيۆەرسيتەتىنىڭ «قۇرمەتتى پروفەسسورى» اتاعىن بەردى. رەسمي كەزدەسۋ بارىسىندا تاراپتار ءال-فارابي اتىنداعى قازۇۋ-دا «تۇرىك الەمى مەديا» ورتالىعىن اشۋ تۋرالى ءوزارا كەلىسىمگە كەلدى.