اقتاۋدا تۇرعىن ءۇي پايدالانۋعا بەرىلدى

تاۋەلسىزدىك جىلدارىندا ماڭعىستاۋ وبلىسىنىڭ تۇرعىندارى سانى ەكى ەسە ءوسىپ, 340 مىڭنان 638 مىڭعا جەتتى. 25 جىل ىشىندە وبلىستا 6,3 ملن. شارشى مەتر باسپانا بەرىلگەن. تاۋەلسىزدىكتىڭ العاشقى جىلدارىندا جىلىنا 116 شارشى مەتر باسپانا بەرىلسە, بيىلعى جىلى بۇل كورسەتكىش 5 ەسە ارتىپ, 645 مىڭ شارشى مەترگە جەتكەن.   اقتاۋ قالاسىنىڭ 32 «ا» شاعىناۋدانىنان «ايماقتى دامىتۋدىڭ 2020 جىلعا دەيىنگى» باعدارلاماسى اياسىندا جەرگىلىكتى بيۋدجەت قاراجاتىنا سالىنعان ەكى كوپپاتەرلى تۇرعىن ءۇي پايدالانۋعا بەرىلدى. تاۋەلسىزدىكتىڭ 25 جىلدىعى مەرەكەسى قارساڭىندا باسپانالى بولعاندار قاتارىندا جەتىم بالالار مەن اتا-اناسىنىڭ قامقورلىعىنسىز قالعان بالالار بار. قازىرگى تاڭدا اقتاۋ قالاسىندا تۇرعىن ءۇيدىڭ كەزەگىندە 5 مىڭ ادام تۇر. ولاردىڭ 2 مىڭنان استامى الەۋمەتتىك جاعىنان از قامتىلعان وتباسىلارعا جاتادى. ال 500-دەن استامى - جەتىم جانە اتا-اناسىنىڭ قامقورلىعىنسىز قالعان بالالار. گۇلايىم شىنتەمىرقىزى, «ەگەمەن قازاقستان»