Qazaq Banki نارىقتاعى ءوز ۇلەسىن ارتتىرۋدا

«Qazaq Banki» اق جالپى سوماسى  3,2 ملرد تەڭگەگە 3 200 000 دانا جاي اكتسيا جوسپارلى تۇردە ورنالاستىرىلعانىن حابارلادى. ناتيجەسىندە بانكتىڭ جارعىلىق كاپيتالى 33,3 ملرد تەڭگەگە ۇلعايدى. سايكەسىنشە, بانكتىڭ مەنشىكتى كاپيتالى 39 ملرد تەڭگەگە ءوستى, دەپ جازادى abctv.kz. بانكتىڭ مەنشىكتى كاپيتالى Qazaq Banki وتاندىق بانك سالاسىنداعى  ورنىن نىعايتۋعا باعىتتالعان ستراتەگيانى ىسكە اسىرۋ اياسىندا ۇلعايتىلعان بولاتىن. «Qazaq Banki» اكتسيونەرلەر بۇدان ءارى دە اكتيۆتەردىڭ ءوسىپ وتىرۋىنا قاراي كاپيتالدى ۇلعايتىپ تۇرۋعا نيەتتى. 2017 جىلدىڭ 1 توقسانىنىڭ سوڭىنا دەيىن ءبىز جوسپارلانعان ءوسىم كورسەتكىشتەرىنە قول جەتكىزگەن جاعدايدا 3 ملرد تەڭگەدەن 5 ملرد تەڭگەگە قوسىمشا كاپيتالداندىرۋ جۇرگىزىلەدى دەپ كۇتىپ وتىرمىز», — دەدى بانكتىڭ باسقارما توراعاسى عاني توقسانباەۆ. 2016 جىلدىڭ باسىنان بەرى بانك اكتيۆتەردىڭ كولەمى بويىنشا نارىق ۇلەسىن 1,4 پايىزدان 1,7 پايىزعا ۇلعايتىپ, كرەديتتىك پورتفەل بويىنشا نارىق ۇلەسى 1,5 پايىزدان 2,1 پايىزعا, دەپوزيتتىك پورتفەل بويىنشا 1,5 پايىزدان 1,9 پايىزعا ءوستى. 2016 جىلدىڭ 1 جەلتوقسانىنداعى جاعداي بويىنشا بانك اكتيۆتەرى 428 ملرد تەڭگەنى قۇرادى. ونىڭ ىشىندە  كرەديتتىك  پورتفەل 333 ملرد تەڭگەگە جەتتى. مىندەتتەمەلەر 392 ملرد تەڭگەنى قۇرادى, اعىمداعى جىلداعى تازا پايدا – 1 724 ملن تەڭگە.