بۇگىن قىزىلورداداعى وبلىستىق مەكەمەلەر ۇيىندە وبلىس اكىمى قىرىمبەك كوشەرباەۆ پەن ۇلتتىق ەكونوميكا ۆيتسە-ءمينيسترى ايدار ءارىپحانوۆتىڭ قاتىسۋىمەن «تاۋەلسىزدىك تارتۋى» تەلەكوپىرى ءوتتى.
تەلەكوپىردىڭ باستى ماقساتى – تاۋەلسىزدىك جىلدارىنداعى وبلىستىڭ دامۋ دەڭگەيىن تۇيىندەپ, جەتىستىكتەرىن سارالاپ, وڭىردە جۇزەگە اسىرىلعان بىرەگەي يندۋستريالدى-يننوۆاتسيالىق جوبالاردى حالىققا تانىستىرۋ.
قىزىلوردا وبلىسىنىڭ دامۋىنا سەرپىن بەرگەن يندۋستريالدى-يننوۆاتسيالىق جوبالاردىڭ قاتارىندا ارال اۋدانىنداعى «ارالتۇز» زاۋىتى (جوبانى «ارالتۇز» اق پرەزيدەنتى ايدىنبەك تاۋاساروۆ ۇسىندى), رەسەي فەدەراتسياسىنىڭ ۋليانوۆ وبلىسى ديميتروۆگراد قالاسىنداعى «رىبنىي كراي ديميتروۆگراد» بالىق وڭدەۋ زاۋىتى (زاۋىتتىڭ نەگىزىن قالاۋشى – وبلىستىق ءماسليحات دەپۋتاتى امانباي ەرحاتوۆ), قازالى اۋدانىنداعى «رزا» اق (كاسىپورىن ۆيتسە-پرەزيدەنتى نۇرلان يماندوسوۆ, قازالى اۋداندىق ءماسليحات دەپۋتاتى), جاڭاقورعان اۋدانىنداعى «شالقيا» كەن ورنى («شالقيا تسينك لتد» اق باسقارما توراعاسى بولات رامازانوۆ), شيەلى اۋدانىنداعى «بالا ساۋىسقاندىق» كەن ورنى («بالاۋسا» فيرماسى» جشس ديرەكتورى اندرەي كۋزنەتسوۆ) جانە قىزىلوردا قالاسىنداعى شىنى زاۋىتى («Orda glass» جشس باسقارما توراعاسى داۋرەن يبراشەۆ) بار. سپيكەرلەر ءوز كاسىپورىندارىنىڭ باستى ەرەكشەلىكتەرىن ايتا كەلە تەلەكوپىرگە قاتىسۋشىلاردى جانە بارلىق قازاقستاندىقتاردى مەرەكەلەرىمەن قۇتتىقتادى.
سونداي-اق, تەلەكوپىر اياسىندا پروفەسسور ب.كارىباەۆتىڭ وبلىس اكىمدىگىنىڭ قولداۋىمەن شىعارىلعان «تاۋەلسىزدىكتىڭ 25 ماڭىزدى وقيعاسى» اتتى كىتابىنىڭ تۇساۋكەسەرى ءوتتى.
