يزمير اكىمى قازاقستاندىق ستۋدەنتتەرمەن كەزدەستى

ەل تاۋەلسىزدىگىنىڭ 25 جىلدىعىنا وراي تۇركيا رەسپۋبليكاسىنىڭ يزمير قالاسىندا يزمير اكىمى ەرول ايىلدىز ءبىر توپ قازاقستاندىق ستۋدەنتتەردى قابىلدادى. قابىلداۋ بارىسىندا قازاقستاندىق ستۋدەنتتەردىڭ توپ باسشىسى مۇرات وڭعارباي, ەلىمىزدىڭ تاۋەلسىزدىگىن العاش بولىپ مويىنداعان باۋىرلاس ەل تۇركيا مەملەكەتى ەكەنىن تىلگە تيەك ەتە وتىرىپ, قازاقستاندىق ستۋدەنتتەردىڭ ۇيىتقى بولۋىمەن وتكىزگەلى وتىرعان قازاقستان تاۋەلسىزدىگىنىڭ 25 جىلدىعىنا ارنالعان سالتاناتتى جيىننىڭ سىيلى قوناعى بولۋعا شاقىردى. سونداي-اق, قازاق حالقىنىڭ تاريحى مەن سالت-ءداستۇرى باياندالعان كىتاپ پەن ەستەلىك سىيلىقتار تابىس ەتتى. قازاقستان مەن تۇركيا – ءتۇبى ءبىر, تاريحى ورتاق باۋىرلاس ەل. بۇگىندە قوس مەملەكەتتىڭ رۋحاني قارىم-قاتىناسى ءوز ارناسىپ تاۋىپ, باعىتىن ايقىندادى. جىلى شىرايلى وتكەن كەزدەسۋدە ەكى ەلدىڭ مادەنيەت, ءتىل, ءدىن جانە رۋحاني سالالارداعى جاقىندىعىنا توقتالعان يزمير قالاسىنىڭ اكىمى ەرول ايىلماز بارشا قازاقستاندىقتاردى تاۋەلسىزدىكتىڭ 25 جىلدىعىمەن قۇتتىقتادى. ايتا كەتەيىك, وسى شارا اياسىندا 16 جەلتوقسان كۇنى ەگە ۋنيۆەرسيتەتى تۇركى دۇنيەسىن زەرتتەۋ ينستيتۋتىنىڭ كونفەرەنتسيا زالىندا ونەرلى جاستاردىڭ قاتىسۋىمەن كونتسەرت ۇيىمداستىرىلادى. 17 جەلتوقسان كۇنى توعىز قۇمالاق, اسىق ويىندارى سياقتى ۇلتتىق ويىندارىمىز ناسيحاتتالىپ, فۋتبولدان تۋرنير وتەدى. ايمان مۇقىشەۆا, "ەگەمەن قازاقستان".