قىزىلوردادا جۇيكە اۋرۋلارى ينتەرناتى اشىلدى

13 جەلتوقساندا قىزىلوردا قالاسىنا قاراستى تالسۋات اۋىلىندا جۇيكە اۋرۋلارى ينتەرناتى اشىلدى. قىزىلوردا وبلىسىنىڭ اكىمى قىرىمبەك كوشەرباەۆ جانە قر ۇلتتىق ەكونوميكا ۆيتسە-ءمينيسترى ايدار ءارىپحانوۆ ينتەرناتتىڭ اشىلۋ سالتاناتىنا قاتىستى. - 2008 جىلى وبلىس ورتالىعىندا مۇگەدەك جاندار مەن جۇيكە ناۋقاسى بار ازاماتتارعا  ارنالعان زاماناۋي ۇلگىدەگى 3 ورتالىقتىڭ قۇرىلىسى باستالعان بولاتىن. سونىڭ ەكەۋى 2012 جىلى حالىق يگىلىگىنە بەرىلدى. ونىڭ ءبىرى – رەسپۋبليكادا تەڭدەسى جوق مۇگەدەكتەردى وڭالتۋ  ورتالىعى. ال, بۇگىنگى اشىلعالى تۇرعان 300 ورىندىق جۇيكە اۋرۋلارى ينتەرناتىنىڭ قۇرىلىسى 2011 جىلى توقتاپ قالعان ەدى. بيىل وبلىستىڭ جەر قويناۋىن پايدالانۋشى ۇيىمدارىنىڭ قارجىسى ەسەبىنەن, ياعني دەمەۋشىلىك كومەك ارقىلى عيماراتتىڭ تولىق  اياقتالۋىن قامتاماسىز ەتتىك,- دەدى وبلىس اكىمى. ينتەرناتتىڭ اشىلۋ سالتاناتىندا جوبا دەمەۋشىلەرىنىڭ اتىنان – «قازمۇنايگاز» بارلاۋ ءوندىرۋ اق-نىڭ باس ديرەكتورى قۇرمانعازى ىسقازيەۆ جانە قىزىلوردا وبلىستىق ءماسليحاتىنىڭ دەپۋتاتى, وبلىس اكىمىنىڭ مۇگەدەكتەر ماسەلەسى بويىنشا كەڭەسشىسى نۇرمۇرات ەرمانوۆ ءسوز سويلەدى. ەستەرىڭىزگە سالا كەتەيىك, تالسۋاتتاعى جۇيكە اۋرۋلارى ينتەرناتى سوت پروتسەسىنىڭ سوزىلىپ كەتۋىنە بايلانىستى قۇرىلىسى كەشىككەن سوڭعى نىسان. بۇرىن ناۋقاستىڭ وسى تۇرىنە شالدىققاندار قالالىق تۋبەركۋلەزگە قارسى اۋرۋحانادا ەمدەلۋگە ءماجبۇر بولدى. جاڭا ينتەرناتتا  جاتتىعۋ زالى, سۋمەن ەمدەلۋ ءبولىمى, اعاش وڭدەۋ شەبەرحاناسى, تىگىن تسەحى جانە ءماجىلىس زالى بار.