استانادا 16-جەلتوقسانعا قانداي شارالار جوسپارلانعان؟

تاۋەلسىزدىك كۇنىنە استانادا مەرەكەلىك وتشاشۋ بولادى, - دەپ حابارلايدى ەلوردانىڭ مادەنيەت باسقارماسى. ۆەدومستۆونىڭ مالىمەتىنشە, 16 جەلتوقساندا ساعات 22.00-دە "حان شاتىر" ويىن-ساۋىق ورتالىعى ماڭىندا, ەسىل وزەنى جاعالاۋى مەن ابىلايحان داڭعىلى مەن پۋشكين كوشەسىنىڭ قيىلىسىندا وتشاشۋ بولادى. سونىمەن قاتار, 16 جەلتوقساندا ساعات 16:00-دە "بايتەرەك" مونۋمەنتىنىڭ جانىندا مەرەكەلىك كونتسەرت باستالادى.  16 جەلتوقساندا "استانا" كونتسەرت زالىندا (بۇرىنعى "كونگرەسس-حولل") قازاقستان ەستراداسى جۇلدىزدارىنىڭ قاتىسۋىمەن كونتسەرت وتەدى. 16:00-دە استانا تسيركىندە تاقىرىپتىق ەسترادالىق-تسيركتىك "ماڭگىلىك ەل" باعدارلاماسى جوسپارلانعان (بيلەتپەن كىرۋگە بولادى). مادەنيەت جانە سپورت مينيسترلىگىنىڭ مالىمەتى بويىنشا, تاۋەلسىزدىكتىڭ 25 جىلدىعىن تويلاۋ شارالارى اياسىندا ەلىمىزدە جالپى العاندا سەگىز مىڭنان اسا ءىس-شارا وتكىزۋ جوسپارلانعان. "بارلىق ءىس-شارالارعا رەسپۋبليكالىق بيۋدجەتتەن 407 ميلليون تەڭگە ءبولىندى", - دەپ مالىمدەدى مادەنيەت جانە سپورت ۆيتسە-ءمينيسترى اقتوتى رايىمقۇلوۆا. 16 جەلتوقساندا 16:00-دە "قازاقستان" ورتالىق كونتسەرت زالىندا "قازاق ەلى" كينوەپوپەيا تسيكلىنان "قازاق حاندىعى" ءفيلمىنىڭ تۇساۋكەسەرى بولادى.