«بيزنەس باستاۋ» جوباسى كاسىپكەرلىك نەگىزدەرىن وقىتادى

وقىتۋ ەڭبەك نارىعىنا شىعا وتىرىپ, جۇمىسشى بىلىكتىلىكتەن ورتا بۋىن مامانى دەڭگەيىنە دەيىن ەكى دەڭگەيلى وقۋ مودەلى بويىنشا مودۋلدىك باعدارلامالارى ارقىلى كوزدەلگەن. سونىڭ ءبىرى -  دۋالدى نەگىزدە 1-دەن 6 ايعا دەيىن قىسقا مەرزىمدى كاسىپتىك وقىتۋعا ارنالادى. وسى جوبا بويىنشا جۇمىسپەن قامتۋ ورتالىقتارى تىكەلەي الەۋەتتى قاتىسۋشىلاردىڭ قۇرامىن قالىپتاستىرادى جانە تىزىمدەردى اۋداندىق (قالالىق) كوميسسيالارعا جىبەرەدى. بۇل تۋرالى بۇگىن ورتالىق كوممۋنيكاتسيالار قىزمەتىندە وتكەن ءباسپاسوز كونفەرەنتسياسىندا بەلگىلى بولدى. وقىتۋ كوللەدجدەردە, وقۋ ورتالىقتارىندا, اسكەري-تەحنيكالىق مەكتەپتەردە وتەدى. ازاماتتار مەملەكەتتىك قولداۋمەن شاكىرتاقى تولەۋمەن قامتاماسىز ەتىلەتىن بولادى جانە سىرتتان كەلگەن تۇلعالارعا جول جۇرۋگە جانە تۇرۋعا قوسىمشا تولەم قاراستىرىلعان. شالعاي ەلدى مەكەندەردە تۇراتىن ازاماتتار دا ءموبيلدى وقىتۋ ورتالىقتارىندا ءبىلىم الۋ ارقىلى تەگىن ماماندىقتى مەڭگەرە الادى. ىسكە اسىرۋ سەرپىندى رەجىمدە اقمولا, اقتوبە, شىعىس قازاقستان, ماڭعىستاۋ, قوستاناي وبلىستارىندا جۇرگىزىلەتىن بولادى. بريفينگتە «اتامەكەن» ۇلتتىق كاسىپكەرلەر پالاتاسى بيزنەس-كوممۋنيكاتسيالاردى مەملەكەتتىك تىلدە دامىتۋ دەپارتامەنتىنىڭ ديرەكتورى باۋرجان ورازعاليەۆ جاپپاي كاسىپكەرلىك باعدارلامانىڭ ەكىنشى باعىتى اياسىندا «بيزنەس باستاۋ» جوباسى بويىنشا كاسىپكەرلىكتىڭ نەگىزدەرى وقىتىلاتىنىن ايتتى. كاسىپكەرلىككە وقىتىلعان ازاماتتاردىڭ ءوز جۇمىسىن اشۋعا مۇمكىندىگى بولادى. ولار ءوز ءىسىن باستاۋ ءۇشىن ميكرونەسيە دە الا الادى. باعدارلامانى ىسكە اسىرعان جاعدايدا جۇمىسسىزدىقتىڭ دەڭگەيى 4,8 پايىزعا جانە بىلىكتىلىكسىز جۇمىس كۇشىنىڭ ۇلەسى 20 پايىزعا تومەندەيدى. سونىمەن قاتار, كومپيۋتەرلىك ساۋاتتىلىق دەڭگەيى جانە اعىلشىن ءتىلى, كاسىپكەرلىك نەگىزدەرى داعدىلارى بويىنشا جوعارىلايدى. داستان كەنجالين, «ەگەمەن قازاقستان».