2017 جىلى تەگىن كاسىپتىك-تەحنيكالىق ءبىلىم جوباسى ەنگىزىلەدى

كەلەسى جىلدان باستاپ «بارشاعا تەگىن كاسىپتىك-تەحنيكالىق ءبىلىم» جوباسىن ەنگىزىلەدى. بۇل تۋرالى بۇگىن ورتالىق كوممۋنيكاتسيالار قىزمەتىندە وتكەن باسپاسوز ءماسليحاتىندا ايتىلدى. سونىمەن قاتار بريفينگكە قاتىسۋشىلار ناتيجەلى جۇمىسپەن قامتۋ جانە جاپپاي كاسىپكەرلىك «ەڭبەك» باعدارلاماسى اياسىندا تەگىن كاسىپتىك-تەحنيكالىق ءبىلىمدى ەنگىزۋدىڭ تەتىگى تۋرالى دا مالىمەت بەردى. ءبىلىم جانە عىلىم ۆيتسە-ءمينيسترى بيبىگۇل اسىلوۆانىڭ ايتۋىنشا, اتالعان باعىت بويىنشا تەحنيكالىق جانە كاسىپتىك ءبىلىمى بار مامانداردى دايارلاۋ جانە قىسقا مەرزىمدى كاسىپتىك وقىتۋ شارالارى قاراستىرىلعان. وسىنىڭ ناتيجەسىندە 2017-2021 جىلدار ارالىعىندا كاسىپتىك دايارلاۋ مەن وقىتۋمەن بارلىعى 671,5 مىڭ ادام قامتىلادى. ء–بىرىنشى قولداۋ شاراسى تەحنيكالىق, اۋىلشارۋاشىلىق, تەحنولوگيالىق ماماندىقتار بويىنشا جانە سەرۆيس جانە قىزمەت كورسەتۋ سالاسىنداعى ماماندىقتار بويىنشا جۇمىسشى كادرلارىن دايارلاۋدى كوزدەيدى. 2017 جىلدان 2021 جىل اراسىندا دايارلاۋمەن 471,5 مىڭ ادام قامتىلادى. ونىڭ ىشىندە رەسپۋبليكالىق بيۋدجەت قاراجاتتارى ەسەبىنەن – جىل سايىن 106,5 مىڭ ادام, جب ەسەبىنەن – جىل سايىن 365,0 مىڭ ادام بار, – دەدى ول. سونىمەن بىرگە ونىڭ ايتۋىنشا, جاڭا باعدارلاما بويىنشا 9-11 سىنىپ تۇلەكتەرى, از قامتىلعان وتباسىلاردان شىققان بىلىكتىلىگى جوق جاستار ءبىلىم الاتىن بولادى. وسى باعدارلاما شەڭبەرىندە ۇمىتكەرلەردىڭ ءتىزىمىن قالىپتاستىرۋعا جانە ىزدەستىرۋگە ىقپال ەتەتىن جەرگىلىكتى ءبىلىم بەرۋ جانە جۇمىسپەن قامتۋ ورگاندارىن, پوليتسيا قىزمەتتەرىن تارتا وتىرىپ, ءاربىر ەلدى مەكەندە اكىمدىكتەر جانىنداعى ءموبيلدى توپتار قۇرىلاتىن بولادى. قاتىسۋشىلار اڭگىمەلەسۋ قورىتىندىسى بويىنشا وقۋعا الىنادى. ولار تاماقپەن جانە شاكىرتاقىمەن قامتاماسىز ەتىلەدى. داستان كەنجالين, «ەگەمەن قازاقستان».