بالالاردىڭ, جالپى جاستاردىڭ بوس ۋاقىتىن قالاي وتكىزەتىنىن كىمدەر ارنايى زەرتتەپ جۇرگەنى ماعان بەلگىسىز. ەگەر ءبىلىم جانە عىلىم, مادەنيەت, ءدىن ىستەرى مەن ازاماتتىق قوعام مينيسترلىكتەرى وسى ماسەلەمەن سول جاستاردىڭ ءوزىن جۇمىلدىرىپ اينالىسسا, تومەندەگىدەي جايلاردى انىقتار ەدى.
ءبىر توپ بار. تۇرمىسى تومەن وتباسىنان شىققان ستۋدەنتتەر, ورتا كاسىپتىك وقۋ ورىندارىنىڭ وقۋشىلارى, قولدارى بوساسا, قوسىمشا قارجى تابۋدى ويلايدى. ەۋرازيا ۇلتتىق ۋنيۆەرسيتەتىندە لەكتسيا وقىپ ءجۇرىپ, كەيبىر ستۋدەنتتەردىڭ ۇنەمى شارشاپ وتىراتىندارىن بايقايتىنمىن. ءبىر كۇنى: «ءسىرا, تۇنىمەن قىدىراسىڭدار عوي», – دەدىم.
– جوق, – دەدى ولار, – ستيپەنديا از, اكە-شەشەمىزدىڭ اقشا سالۋعا قولى قىسقا. تۇندە مەيرامحانالاردا ىدىس-اياق جۋامىز, داياشى بولامىز. قىزدار ءۇي جيناۋشى, بالا كۇتۋشى بولىپ جالدانادى.
مۇنداي جاستار بوس ۋاقىتىندا جۇمىس ىستەيدى. جاز ايلارىندا وسىنداي كاسىپپەن جوعارى سىنىپتىڭ وقۋشىلارى دا اينالىسادى.
ەكىنشى توپ, وقۋعا تۇسە الماعاندار, ەكى قولعا ءبىر كۇرەك ىزدەگەندەر. ولار اۋىلدا دا, قالادا دا از ەمەس. قۇرىلىستاردا جۇرەدى, ماشينا جۋشىلار دا, كوشە تازارتۋشىلار دا, جۇكشىلەر دە, بازاردا قولاربا سۇيرەتۋشىلەر دە سولار. كۇنى بويعى اۋىر جۇمىستان قالجىرايتىن ولارعا بوس ۋاقىت تىنىعۋ ءۇشىن كەرەك.
ءۇشىنشى – اۋىل جاستارى. ولار جايلى ءسوز بولعانىن ەستىمەپپىن. بۇلار – مالشىلار, مەحانيزاتورلار, جالدامالىلار. بوس ۋاقىتى بولا قالسا, اۋىلدا كلۋب تا, تەاتر دا, كىتاپحانا دا, سپورت زالى دا جوق.
ءتورتىنشى توپ – ءتۇرلى ءدىني اعىمداردىڭ جەتەگىندە كەتكەندەر. ءبىر دەرەك بويىنشا 15 مىڭ سالافيت جاستار بار كورىنەدى. تاعى ءبىر دەرەكتە ودان دا كوپ. بۇلار بوس ۋاقىتىن ءدىني ورىنداردا وتكىزەدى. قوعامدىق, مادەني, تاعى باسقا شارالارعا قاتىسپاۋعا تىرىسادى. وكىنىشكە قاراي, وسى ءدىني اعىمعا اتا-انالارى تۇسىرگەن, تۇمشالانىپ العان مەكتەپ وقۋشىلارىن كورىپ ءجۇرمىز.
بەسىنشى توپ – داۋلەتتىلەردىڭ بالالارى. ولاردىڭ مۇقتاجى جوق. بوس كۇندەرى شەتەلدەرگە قىدىرىپ قايتۋى تۇك ەمەس.
ءبىز جاستاردىڭ بوس ۋاقىتىن قالاي مازمۇندى وتكىزەمىز دەسەك, ولاردىڭ وسى توپتارىنىڭ ارقايسىسىنا جول تابۋعا ءتيىسپىز.
مىنانداي ۇسىنىستار ايتقىم كەلەدى.
جاستاردى ولاردىڭ الگىندەي ءتۇرلى توپتارىنىڭ ماتەريالدىق-پسيحولوگيالىق ەرەكشەلىكتەرى ەسكەرىلە وتىرىپ, الەۋمەتتىك جاعىنان قورعايتىن مەملەكەتتىك باعدارلاما ازىرلەنسىن.
جاستار اراسىنداعى الەۋمەتتىك تەڭسىزدىكتى بولدىرماۋعا قول جەتسە, بۇل ۇلكەن جەڭىس.
اۋىل جاستارىنىڭ اۋداندىق جانە وبلىستىق, قاجەت دەسەك, رەسپۋبليكالىق فورۋمى بەلگىلى ۋاقىتتاردا وتكىزىلىپ تۇرسىن. ولار وزدەرى, شەشىلمەگەن ماسەلەلەرى, اۋىلدىڭ احۋالى تۋرالى ايتسىن. ءبىز وسى ارقىلى ولارعا مەملەكەتتىك تۇرعىدا ءتيىمدى قامقورلىق كورسەتە الامىز.
بۇگىنگى جاس بۋىننىڭ ءدىني نانىم-سەنىمى بويىنشا ودان ءارى جىكتەلۋىنە جول بەرمەۋ ماقساتىندا ءدىن ىستەرى ءجانە ازاماتتىق قوعام مينيسترلىگىنىڭ جانىنان بىلىكتى, بەدەلدى, جان-جاقتى دايىندىعى بار جاستاردان تۇراقتى جۇمىس ىستەيتىن قوعامدىق كەڭەس قۇرىلسىن.
بۇگىنگى جاستاردىڭ اراسىندا زامانداستارىنا ءسوزى ءوتىمدى, ونەرىمەن, بىلىمىمەن, ۇلتجاندىلىعىمەن قۇرمەتكە بولەنىپ جۇرگەن بەدەلدى جاستار جوق ەمەس. سولار قۇربىلارىنىڭ جات اعىمدار مەن مىنەز-قىلىقتاردان ادا بولۋىنا, دۇرىس جولعا تۇسۋىنە ىقپال ەتە الادى.
ءبىز, اينالىپ-ءۇيىرىلىپ كەلگەندە جاستاردىڭ وزدەرىن وزدەرى تاربيەلەۋىنە مۇمكىندىك تۋعىزۋعا ءتيىسپىز. مەملەكەت بۇكىلەلدىك سيپاتتاعى, كەشەگى پيونەر, كومسومول سەكىلدى, جاستاردىڭ دارا ۇيىمىن قۇرسا دۇرىس بولار ەدى. ونىڭ ءبولىمدەرى مەكتەپتە, جوعارى وقۋ ورىندارىندا, كاسىپورىندار مەن شارۋاشىلىقتاردا جۇمىس ىستەۋگە ءتيىس. جاستاردى وتانىن سۇيۋگە, ەڭبەككە, ادامگەرشىلىك پەن ىنتىماققا, تاۋەلسىزدىگىمىزگە قىزمەت ەتۋگە باۋلۋ مىندەتتەرىن وسى ۇيىم دايەكتى جۇزەگە اسىرا الار ەدى. مۇنداي مىندەتتەردى پارتيالاردىڭ جانىنان قۇرىلعان, باسقا دا جاستار ۇيىمدارى اتقارا الماي وتىرعانى بارشاعا ايان.
كەلەسى ۇسىنىستى كەزىندە پارلامەنت ماجىلىسىندە كوتەرگەن ەدىم. مەكتەپ ءتۋريزمىن ۇيىمداستىرىپ دامىتايىق. ءبىلىم جانە عىلىم, مادەنيەت مينيسترلىكتەرى, اۋدان, قالا, وبلىس اكىمدىكتەرى مەن «نۇر وتاننىڭ» فيليالدارى بالالاردى جاز ايلارىندا تاريحي, ارحيتەكتۋرالىق ەسكەرتكىشتەر بار جەرلەرگە, تابيعاتى اسەم وڭىرلەر مەن قورىقتارعا اپارا الادى عوي.
ءبىز اقمولادا سوناۋ 90-شى جىلداردىڭ وزىندە باستاۋىش سىنىپتىڭ شاكىرتتەرىن تۇركىستان مەن ۇلىتاۋعا جىبەرىپ تۇراتىنبىز. ولار ەرەكشە سەزىممەن ورالاتىن. ۇلى دالانىڭ تاريحىن كوزبەن كورگەنىنە قۋاناتىن.
وسىنداي شارا بالالاردىڭ بوس ۋاقىتىن مازمۇندى وتكىزۋدىڭ, پاتريوتتىق تاربيە بەرۋدىڭ ءتيىمدى جولدارىنىڭ بىرىنە اينالار ەدى.
مەكتەپ وقۋشىلارىنىڭ كاسىپتىك ءتۋريزمىن ۇيىمداستىرۋ تۋرالى دا ويلانايىق. ولار نەمەسە دەمالىس كۇندەرىندە رەسپۋبليكانىڭ ءتۇرلى سالاداعى ءىرى كاسىپورىندارىن ارالاپ كورسىن. ماماندارمەن, جۇمىسشىلارمەن سويلەسسىن. بولاشاق كاسىبى جايلى تولعانسىن.
ال وسىنى ۇيىمداستىرۋ قيىن با؟ قيىن ەمەس.
ارينە, بالالار مەن جاستاردىڭ ساناسى, جۇرەگى مەن سەزىمى زاڭمەن قورعالۋى كەرەك. پارلامەنت ءماجىلىسىنىڭ 4-ءشى شاقىرىلىمىندا دەپۋتاتتار گۇلنار سەيتماعانبەتوۆا, گۇلميرا يسيمباەۆا, سۆەتلانا بىچكوۆا تورتەۋمىز «بالالاردى دەنساۋلىعى مەن دامۋىنا زاردابىن تيگىزەتىن اقپاراتتان قورعاۋ تۋرالى» زاڭ جوباسىن جازدىق. وندا ۇلتتىق ءداستۇرگە, رۋحاني قۇندىلىقتارعا قارسى قوياتىن, ار تازالىعى مەن يماندىلىقتان جاڭىلدىراتىن, ازعىندىق قارىم-قاتىناستارعا يتەرمەلەيتىن اقپاراتتىڭ بارلىق تۇرىنە تىيىم سالىنعان. زاڭ جوباسى ءماجىلىس پەن سەناتتان ءوتىپ توقتاپ ەدى. ەگەر ءبىز بالالاردى سان الۋان اقپارات تاربيەلەپ جاتقانىن, ولاردىڭ بوس ۋاقىتى اقپارات كوزدەرىنىڭ الدىندا وتەتىنىن ويلاساق, بۇل زاڭ جوباسى قابىلدانۋى كەرەك.
جاستاردىڭ تالايى بىزدەن ارتىق پاتريوت. مەملەكەتتىڭ ولاردى تىڭداي بىلگەنى ابزال.
جاستاردى انا ءتىلىنىڭ جاي-كۇيى دە, ۇلتتىق سالت-ءداستۇر دە, ونوماستيكالىق اتاۋلار دا, ۇلتتىق نامىس تا الاڭداتادى.
بۇگىندە ءداستۇرلى مادەنيەتتىڭ قانداي شابۋىلعا ۇشىراپ, جاستارعا قانداي مادەنيەت ىقپال ەتىپ جاتقانىن ءتيىستى مينيسترلىكتىڭ ءوزى بىلمەيدى. بىلسە, «كەلىن» سەكىلدى ارسىز فيلمدەردى تۇسىرمەس ەدى دەيدى ولار.
ستۋدەنت-جاستاردىڭ ەكولوگيالىق ءتۋريزمىن نەگە ۇيىمداستىرمايمىز. ولار جازدا اق جايىق, ىلە, ەرتىس, ەسىل, كەڭگىر, سىرداريا سەكىلدى ومىرلىك ماڭىزدى وزەندەر مەن بۋراباي, جاسىباي سەكىلدى كولدەردىڭ جوباسىن تازارتسىن ءارى سول ارنالاردىڭ كورىكتى جەرلەرىندە دەمالسىن.
ءححى عاسىردا ەكولوگيالىق ماسەلەلەر وتكىر قويىلىپ وتىرعاندا بۇل وتە ماڭىزدى, ءداستۇرلى شاراعا اينالار ەدى. بوس ۋاقىتتى ءماندى دە اسەرلى وتكىزۋدىڭ بۇدان ارتىق قانداي ءتۇرى بار؟
كەلىسەسىڭ. «جاۋجۇرەك مىڭ بالا» ءفيلمى جاستاردى قالاي جىگەرلەندىرگەنىن ويلايسىڭ. پاتريوتيزم تۋرالى قۇرعاق ۋاعىزدى قويىپ, سونداي ءبىر فيلم ءتۇسىرسەڭ – جەتكىلىكتى.
ءتۇيىپ ايتساق, جاستارعا ساياسات ەمەس, جاستارعا ارنالعان ساياساتتىڭ ءناتيجەلەرى كەرەك.
الدان سمايىل,
جازۋشى, قازاقستان رەسپۋبليكاسى مەملەكەتتىك سىيلىعىنىڭ لاۋرەاتى
بالالاردىڭ, جالپى جاستاردىڭ بوس ۋاقىتىن قالاي وتكىزەتىنىن كىمدەر ارنايى زەرتتەپ جۇرگەنى ماعان بەلگىسىز. ەگەر ءبىلىم جانە عىلىم, مادەنيەت, ءدىن ىستەرى مەن ازاماتتىق قوعام مينيسترلىكتەرى وسى ماسەلەمەن سول جاستاردىڭ ءوزىن جۇمىلدىرىپ اينالىسسا, تومەندەگىدەي جايلاردى انىقتار ەدى.
ءبىر توپ بار. تۇرمىسى تومەن وتباسىنان شىققان ستۋدەنتتەر, ورتا كاسىپتىك وقۋ ورىندارىنىڭ وقۋشىلارى, قولدارى بوساسا, قوسىمشا قارجى تابۋدى ويلايدى. ەۋرازيا ۇلتتىق ۋنيۆەرسيتەتىندە لەكتسيا وقىپ ءجۇرىپ, كەيبىر ستۋدەنتتەردىڭ ۇنەمى شارشاپ وتىراتىندارىن بايقايتىنمىن. ءبىر كۇنى: «ءسىرا, تۇنىمەن قىدىراسىڭدار عوي», – دەدىم.
– جوق, – دەدى ولار, – ستيپەنديا از, اكە-شەشەمىزدىڭ اقشا سالۋعا قولى قىسقا. تۇندە مەيرامحانالاردا ىدىس-اياق جۋامىز, داياشى بولامىز. قىزدار ءۇي جيناۋشى, بالا كۇتۋشى بولىپ جالدانادى.
مۇنداي جاستار بوس ۋاقىتىندا جۇمىس ىستەيدى. جاز ايلارىندا وسىنداي كاسىپپەن جوعارى سىنىپتىڭ وقۋشىلارى دا اينالىسادى.
ەكىنشى توپ, وقۋعا تۇسە الماعاندار, ەكى قولعا ءبىر كۇرەك ىزدەگەندەر. ولار اۋىلدا دا, قالادا دا از ەمەس. قۇرىلىستاردا جۇرەدى, ماشينا جۋشىلار دا, كوشە تازارتۋشىلار دا, جۇكشىلەر دە, بازاردا قولاربا سۇيرەتۋشىلەر دە سولار. كۇنى بويعى اۋىر جۇمىستان قالجىرايتىن ولارعا بوس ۋاقىت تىنىعۋ ءۇشىن كەرەك.
ءۇشىنشى – اۋىل جاستارى. ولار جايلى ءسوز بولعانىن ەستىمەپپىن. بۇلار – مالشىلار, مەحانيزاتورلار, جالدامالىلار. بوس ۋاقىتى بولا قالسا, اۋىلدا كلۋب تا, تەاتر دا, كىتاپحانا دا, سپورت زالى دا جوق.
ءتورتىنشى توپ – ءتۇرلى ءدىني اعىمداردىڭ جەتەگىندە كەتكەندەر. ءبىر دەرەك بويىنشا 15 مىڭ سالافيت جاستار بار كورىنەدى. تاعى ءبىر دەرەكتە ودان دا كوپ. بۇلار بوس ۋاقىتىن ءدىني ورىنداردا وتكىزەدى. قوعامدىق, مادەني, تاعى باسقا شارالارعا قاتىسپاۋعا تىرىسادى. وكىنىشكە قاراي, وسى ءدىني اعىمعا اتا-انالارى تۇسىرگەن, تۇمشالانىپ العان مەكتەپ وقۋشىلارىن كورىپ ءجۇرمىز.
بەسىنشى توپ – داۋلەتتىلەردىڭ بالالارى. ولاردىڭ مۇقتاجى جوق. بوس كۇندەرى شەتەلدەرگە قىدىرىپ قايتۋى تۇك ەمەس.
ءبىز جاستاردىڭ بوس ۋاقىتىن قالاي مازمۇندى وتكىزەمىز دەسەك, ولاردىڭ وسى توپتارىنىڭ ارقايسىسىنا جول تابۋعا ءتيىسپىز.
مىنانداي ۇسىنىستار ايتقىم كەلەدى.
جاستاردى ولاردىڭ الگىندەي ءتۇرلى توپتارىنىڭ ماتەريالدىق-پسيحولوگيالىق ەرەكشەلىكتەرى ەسكەرىلە وتىرىپ, الەۋمەتتىك جاعىنان قورعايتىن مەملەكەتتىك باعدارلاما ازىرلەنسىن.
جاستار اراسىنداعى الەۋمەتتىك تەڭسىزدىكتى بولدىرماۋعا قول جەتسە, بۇل ۇلكەن جەڭىس.
اۋىل جاستارىنىڭ اۋداندىق جانە وبلىستىق, قاجەت دەسەك, رەسپۋبليكالىق فورۋمى بەلگىلى ۋاقىتتاردا وتكىزىلىپ تۇرسىن. ولار وزدەرى, شەشىلمەگەن ماسەلەلەرى, اۋىلدىڭ احۋالى تۋرالى ايتسىن. ءبىز وسى ارقىلى ولارعا مەملەكەتتىك تۇرعىدا ءتيىمدى قامقورلىق كورسەتە الامىز.
بۇگىنگى جاس بۋىننىڭ ءدىني نانىم-سەنىمى بويىنشا ودان ءارى جىكتەلۋىنە جول بەرمەۋ ماقساتىندا ءدىن ىستەرى ءجانە ازاماتتىق قوعام مينيسترلىگىنىڭ جانىنان بىلىكتى, بەدەلدى, جان-جاقتى دايىندىعى بار جاستاردان تۇراقتى جۇمىس ىستەيتىن قوعامدىق كەڭەس قۇرىلسىن.
بۇگىنگى جاستاردىڭ اراسىندا زامانداستارىنا ءسوزى ءوتىمدى, ونەرىمەن, بىلىمىمەن, ۇلتجاندىلىعىمەن قۇرمەتكە بولەنىپ جۇرگەن بەدەلدى جاستار جوق ەمەس. سولار قۇربىلارىنىڭ جات اعىمدار مەن مىنەز-قىلىقتاردان ادا بولۋىنا, دۇرىس جولعا تۇسۋىنە ىقپال ەتە الادى.
ءبىز, اينالىپ-ءۇيىرىلىپ كەلگەندە جاستاردىڭ وزدەرىن وزدەرى تاربيەلەۋىنە مۇمكىندىك تۋعىزۋعا ءتيىسپىز. مەملەكەت بۇكىلەلدىك سيپاتتاعى, كەشەگى پيونەر, كومسومول سەكىلدى, جاستاردىڭ دارا ۇيىمىن قۇرسا دۇرىس بولار ەدى. ونىڭ ءبولىمدەرى مەكتەپتە, جوعارى وقۋ ورىندارىندا, كاسىپورىندار مەن شارۋاشىلىقتاردا جۇمىس ىستەۋگە ءتيىس. جاستاردى وتانىن سۇيۋگە, ەڭبەككە, ادامگەرشىلىك پەن ىنتىماققا, تاۋەلسىزدىگىمىزگە قىزمەت ەتۋگە باۋلۋ مىندەتتەرىن وسى ۇيىم دايەكتى جۇزەگە اسىرا الار ەدى. مۇنداي مىندەتتەردى پارتيالاردىڭ جانىنان قۇرىلعان, باسقا دا جاستار ۇيىمدارى اتقارا الماي وتىرعانى بارشاعا ايان.
كەلەسى ۇسىنىستى كەزىندە پارلامەنت ماجىلىسىندە كوتەرگەن ەدىم. مەكتەپ ءتۋريزمىن ۇيىمداستىرىپ دامىتايىق. ءبىلىم جانە عىلىم, مادەنيەت مينيسترلىكتەرى, اۋدان, قالا, وبلىس اكىمدىكتەرى مەن «نۇر وتاننىڭ» فيليالدارى بالالاردى جاز ايلارىندا تاريحي, ارحيتەكتۋرالىق ەسكەرتكىشتەر بار جەرلەرگە, تابيعاتى اسەم وڭىرلەر مەن قورىقتارعا اپارا الادى عوي.
ءبىز اقمولادا سوناۋ 90-شى جىلداردىڭ وزىندە باستاۋىش سىنىپتىڭ شاكىرتتەرىن تۇركىستان مەن ۇلىتاۋعا جىبەرىپ تۇراتىنبىز. ولار ەرەكشە سەزىممەن ورالاتىن. ۇلى دالانىڭ تاريحىن كوزبەن كورگەنىنە قۋاناتىن.
وسىنداي شارا بالالاردىڭ بوس ۋاقىتىن مازمۇندى وتكىزۋدىڭ, پاتريوتتىق تاربيە بەرۋدىڭ ءتيىمدى جولدارىنىڭ بىرىنە اينالار ەدى.
مەكتەپ وقۋشىلارىنىڭ كاسىپتىك ءتۋريزمىن ۇيىمداستىرۋ تۋرالى دا ويلانايىق. ولار نەمەسە دەمالىس كۇندەرىندە رەسپۋبليكانىڭ ءتۇرلى سالاداعى ءىرى كاسىپورىندارىن ارالاپ كورسىن. ماماندارمەن, جۇمىسشىلارمەن سويلەسسىن. بولاشاق كاسىبى جايلى تولعانسىن.
ال وسىنى ۇيىمداستىرۋ قيىن با؟ قيىن ەمەس.
ارينە, بالالار مەن جاستاردىڭ ساناسى, جۇرەگى مەن سەزىمى زاڭمەن قورعالۋى كەرەك. پارلامەنت ءماجىلىسىنىڭ 4-ءشى شاقىرىلىمىندا دەپۋتاتتار گۇلنار سەيتماعانبەتوۆا, گۇلميرا يسيمباەۆا, سۆەتلانا بىچكوۆا تورتەۋمىز «بالالاردى دەنساۋلىعى مەن دامۋىنا زاردابىن تيگىزەتىن اقپاراتتان قورعاۋ تۋرالى» زاڭ جوباسىن جازدىق. وندا ۇلتتىق ءداستۇرگە, رۋحاني قۇندىلىقتارعا قارسى قوياتىن, ار تازالىعى مەن يماندىلىقتان جاڭىلدىراتىن, ازعىندىق قارىم-قاتىناستارعا يتەرمەلەيتىن اقپاراتتىڭ بارلىق تۇرىنە تىيىم سالىنعان. زاڭ جوباسى ءماجىلىس پەن سەناتتان ءوتىپ توقتاپ ەدى. ەگەر ءبىز بالالاردى سان الۋان اقپارات تاربيەلەپ جاتقانىن, ولاردىڭ بوس ۋاقىتى اقپارات كوزدەرىنىڭ الدىندا وتەتىنىن ويلاساق, بۇل زاڭ جوباسى قابىلدانۋى كەرەك.
جاستاردىڭ تالايى بىزدەن ارتىق پاتريوت. مەملەكەتتىڭ ولاردى تىڭداي بىلگەنى ابزال.
جاستاردى انا ءتىلىنىڭ جاي-كۇيى دە, ۇلتتىق سالت-ءداستۇر دە, ونوماستيكالىق اتاۋلار دا, ۇلتتىق نامىس تا الاڭداتادى.
بۇگىندە ءداستۇرلى مادەنيەتتىڭ قانداي شابۋىلعا ۇشىراپ, جاستارعا قانداي مادەنيەت ىقپال ەتىپ جاتقانىن ءتيىستى مينيسترلىكتىڭ ءوزى بىلمەيدى. بىلسە, «كەلىن» سەكىلدى ارسىز فيلمدەردى تۇسىرمەس ەدى دەيدى ولار.
ستۋدەنت-جاستاردىڭ ەكولوگيالىق ءتۋريزمىن نەگە ۇيىمداستىرمايمىز. ولار جازدا اق جايىق, ىلە, ەرتىس, ەسىل, كەڭگىر, سىرداريا سەكىلدى ومىرلىك ماڭىزدى وزەندەر مەن بۋراباي, جاسىباي سەكىلدى كولدەردىڭ جوباسىن تازارتسىن ءارى سول ارنالاردىڭ كورىكتى جەرلەرىندە دەمالسىن.
ءححى عاسىردا ەكولوگيالىق ماسەلەلەر وتكىر قويىلىپ وتىرعاندا بۇل وتە ماڭىزدى, ءداستۇرلى شاراعا اينالار ەدى. بوس ۋاقىتتى ءماندى دە اسەرلى وتكىزۋدىڭ بۇدان ارتىق قانداي ءتۇرى بار؟
كەلىسەسىڭ. «جاۋجۇرەك مىڭ بالا» ءفيلمى جاستاردى قالاي جىگەرلەندىرگەنىن ويلايسىڭ. پاتريوتيزم تۋرالى قۇرعاق ۋاعىزدى قويىپ, سونداي ءبىر فيلم ءتۇسىرسەڭ – جەتكىلىكتى.
ءتۇيىپ ايتساق, جاستارعا ساياسات ەمەس, جاستارعا ارنالعان ساياساتتىڭ ءناتيجەلەرى كەرەك.
الدان سمايىل,
جازۋشى, قازاقستان رەسپۋبليكاسى مەملەكەتتىك سىيلىعىنىڭ لاۋرەاتى
سوڭعى جاڭالىقتار
Project Silica: اقپاراتتى 10 مىڭ جىل ساقتايتىن شىنى
قوعام • بۇگىن, 23:52
قوعام • كەشە
اتىراۋ قالاسىن شاڭدى داۋىل باسىپ تۇر
ايماقتار • كەشە
الماتىدا LRT قاشان ىسكە قوسىلاتىنى بەلگىلى بولدى
قوعام • كەشە
