كوپىر قۇلاپ, جول جابىلدى

كۇن رايىنىڭ سان قۇبىلىپ, بىردە جىلىپ, بىردە سۋىپ, بىرقالىپتى بولماۋى دارياعا دا ءوز اسەرىن تيگىزىپ جاتىر. وتكەندەگى اياز سىردىڭ سۋىن قاتىرىپ, مۇز قۇرساۋىنا العان. ونان كەيىن قايتا جىلىعاندا قاتقان مۇز ەرىپ, ول كەپتەلىپ, سۋدىڭ اعىنىن تەجەي باستادى. اقىرىندا جالاعاش اۋدانىنداعى اقسۋ ەلدى مەكەنىنىڭ تۇسىندا ورنالاسقان «اشىرمان» قورعانىس بەكەتى سىر بەرىپ, سۋ بۇزىپ كەتتى. قارماقشى مەن جالاعاش اۋداندارىنىڭ اراسىن سۋ باسىپ, جول ءجۇرۋ مۇمكىندىگىن شەكتەپ تاستادى. ءتىپتى, وسىنداي تاسقىن كە­زىن­دە سۋ وتكىزۋگە ەسەپتەلگەن كو­­پىرگە دە كەسىرىن تيگىزىپ, ءبىر با­سىن سۋ قۇلاتىپ كەتكەن. بۇگىن­دە جاع­داي قالىپقا كەلدى. دەگەن­مەن, قارماقشى, جالاعاش اۋدان­دارىنداعى ىشكى جول جابىلدى. ءويت­كەنى, كوپىر جارامسىز. نەگىزگى قاتىناس «باتىس ەۋروپا – باتىس قىتاي» كولىك ءدالىزى ارقىلى ءجۇرىپ جاتىر. جالپى, داريا بويىندا 56 قاۋىپتى تۇس انىقتالعان. بۇگىندە ونىڭ بويىندا 91 مەكەمە, 2000-نان اسا ادام كەزەكشىلىكتە تۇر. قاۋىپ كەلەدى-اۋ دەگەن جەردىڭ بار­­لىعى قاتاڭ باقىلاۋعا الىن­عان. دەگەنمەن, اۋا رايىنىڭ قۇبىل­مالىعى ءوزىنىڭ كەسىرىن تيگىزبەي قالىپ جاتقان جوق. تاۋلىك بويى كەزەكشىلىك ۇيىم­داس­تىرىلسا دا, سۋ ارناسىنان اسىپ كەتىپ جاتىر. تاعى ءبىر ماسەلەنى ايتا كەتكەن ابزال. داريا ءالى تولىق قاتىپ ۇلگەرگەن جوق. دەسەك تە ادامدار مۇزعا شىعىپ, بالىق اۋلاۋدى باستاپ كەتكەن سىڭايلى. بۇرناعى كۇنى شيەلى اۋدانىندا ەكى ادامنىڭ بالىققا كەتىپ, قايتا ورالماعانى تۋرالى دەرەك شىقتى. توتەنشە جاعدايلار دەپارتامەنتىنىڭ قىز­مەت­كەرلەرى ولاردى ىزدەستىرىپ جاتىر. ماماندار تۇرعىنداردى تولىق قاتپاعان مۇزدىڭ ۇستىمەن ءجۇر­مەۋدى ەسكەرتۋدە. ەرجان بايتىلەس, «ەگەمەن قازاقستان» قىزىلوردا وبلىسى