تەررورلىق قاۋىپتىڭ دەڭگەيىن تەرروريزمدى تالداۋ بىرىككەن ورتالىعى بەلگىلەيدى. ونىڭ قۇرامىنا پوليتسيا, بارلاۋ قىزمەتى مەن وزگە دە كۇشتىك قۇرىلىمداردىڭ ساراپشىلارى كىرەدى.
«ورتالىقتىڭ باعالاۋىنشا, جاڭا تەراكتىلەردىڭ بولۋ ىقتيمالدىعى جوعارى عانا ەمەس, كەلەسى شابۋىل قالايدا جاسالاۋى مۇمكىن», – دەدى پرەمەر-مينيستر.
ونىڭ ايتۋىنشا, ەلدە مانچەستەردەگى لاڭكەستىككە قاتىسى بار ءبىر توپ ادام بولۋى مۇمكىن. پرەمەر سونداي-اق كوشەلەردى كۇزەتۋگە ەلدىڭ ارمياسى دا تارتىلاتىنىنا ۋادە بەردى. ۇلىبريتانياداعى نەگىزگى ينفراقۇرىلىمدىق نىساندار مەن تۋريستىك ايماقتار قوسىمشا كۇزەتىلەدى.
تەرەزا مەي ادامداردىڭ قاتتى ۇرەيلەنۋىن قالامايتىنىن, الايدا, تەررورلىق قاۋىپتىڭ ەڭ جوعارى دەڭگەيىن بەلگىلەۋ دۇرىس شەشىم ەكەنىن جەتكىزدى.
