ساحنادا ادام اتا مەن حاۋا انانىڭ جالعىزى – ادام قورىلداپ ۇيىقتاپ جاتىر. ونى يت, ەسەك, مايمىل كەلىپ جۇلقىلاپ كەتەدى, ويانبايدى. ال جابىرەيل پەرىشتەنىڭ جالعىز ۇلى اق سايتان كەلىپ وياتىپ: «نەگە جاتسىڭ؟ تۇر, تاڭىرىمىزدەن جاس سۇراپ الايىق, سەن ەندى ولەسىڭ عوي؟!» دەيدى. ادام بارمايدى. اق سايتان تاڭىرىمەن سويلەسە الاتىن قۇزعىنمەن تىلدەسىپ, ءتاڭىرىمىز 50 جاس بەرگەن ءيتتىڭ, ەسەكتىڭ, مايمىلدىڭ جارتى جاسىن ادامعا بەرۋىنە كوندىرەدى. دراماتۋرگ پەن رەجيسسەر وسى شىعارما ارقىلى ادامنىڭ ەڭ جاقسى ءومىرى جاستىق شاق تا, ودان كەيىن ءومىردىڭ, ۋاقىتتىڭ, قارتتىقتىڭ سالماعى تۇسە بەرەدى. ءومىر ادامدى يت تە, ەسەك تە, مايمىل دا ەتەدى دەگەن ويعا جەتەلەيدى.
«جانىبەك اكادەميادا ساتىبالدى نارىمبەتوۆتەي وتە تاجىريبەلى كينوگەردەن ءتالىم الدى. بىراق شاكەن ايمانوۆ تا كلاسسيكالىق فيلمدەر قالدىرعانىمەن, ونەردەگى جولىن العاشقىدا تەاتردان باستاعان. بۇل جانىبەكتىڭ ونەر ورىنە ءجۇزۋىنىڭ باستاماسى», دەدى تەاتردىڭ باس رەجيسسەرى, قازاقستاننىڭ حالىق ءارتىسى ەرسايىن تولەۋباي. سپەكتاكلدە نەگىزىنەن تەاترعا سوڭعى ۋاقىتتا كەلگىپ قوسىلعان جاس اكتەرلەر ونەر كورسەتتى. جاس رەجيسسەر مەن جاس اكتەرلەردىڭ ساحنالاۋىنداعى قويىلىمعا كورەرمەن ۇزاق قول سوقتى.
جانىبەك كاربوزوۆ اكادەميا قابىعاسىندا ءجۇرىپ-اق قىسقا مەتراجدى ءۇش كينو ءتۇسىرىپ ۇلگەردى. ونىڭ ديپلومدىق جۇمىسىنا العان «وڭ قول» قىسقامەتراجدى ءفيلمى كورەرمەننەن دە, پوۆەست اۆتورى تولەن ابدىكوۆتەن دە جىلى باعاسىن العان ەدى.
ءنازيرا جارىمبەتوۆا,
«ەگەمەن قازاقستان»
قوستاناي
