الەمنىڭ 27-گە جۋىق ەلى شىلدەنىڭ 21-ءى مەن تامىزدىڭ 13-ءى ارالىعىندا قازاقستان رەسپۋبليكاسى, رەسەي فەدەراتسياسى, بەلارۋس رەسپۋبليكاسى, ءازىربايجان رەسپۋبليكاسى مەن قىتاي حالىق رەسپۋبليكاسىنىڭ اۋماقتارىندا وتەتىن «ارميا ويىندارى – 2017» حالىقارالىق جارىسىنا قاتىساتىنىن راستادى.
بۇل قازاقستان, رەسەي, قىتاي جانە كوپتەگەن وزگە مەملەكەتتەردىڭ بىرنەشە مىڭداعان اسكەري قىزمەتشىسىنىڭ وتىزدان اسا سايىسقا قاتىساتىن بىرەگەي سايىس.
كونكۋرستا تمد مەن الىس شەتەلدىڭ تانكىشىلەرى, ۇشقىشتارى, ارتيللەرياشىلارى مەن ساپەرلەرى باق سىناسادى. اسكەري قىزمەتشىلەر «تانك بياتلونى», «سۋۆوروۆ تەگەۋرىنى», «مەرگەن شەبى», «اسكەري بارلاۋدىڭ ۇزدىكتەرى», «ارتيللەريالىق وق اتۋ شەبەرلەرى», «اۆيادارتس», «اسپان كىلتى», «تەڭىز كۋبوگى», «تەڭىز دەسانتى», «تەرەڭدىك», «دەسانتتىق ۆزۆود», «ەلبرۋس شىعىرشىعى», «اشىق سۋ», «قاۋىپسىز باعدار», «ينجەنەرلىك فورمۋلا», «قاۋىپسىز ورتا», «رەمبات», «اۆتوبروندى تانكتى تەحنيكا شەبەرلەرى», «دالالىق اس ءۇي», «اسكەري-مەديتسينالىق ەستافەتا», «جول ءپاترۋلى», «كۇزەت ساقشىسى», «اسكەري راللي», «دوستاستىق جاۋىنگەرى», «قارۋ شەبەرى», «ۇشقىشسىز ۇشۋ اپپاراتتارى سايىسى ەسەپتوپتارىنىڭ سايىستارى» جانە ت.ب. ساناتتار بويىنشا قاتىسادى.
كونفەرەنتسيا اياقتالعاننان كەيىن قازاقستان رەسپۋبليكاسى مەن رەسەي فەدەراتسياسىنىڭ اۋماعىندا بايقاۋلاردى وتكىزۋ ورىندارىن الدىن الا بارلاۋ جۇزەگە اسىرىلدى.
