تارمپي-دىڭ باس وقۋ عيماراتىنان باستالاتىن مارافونعا قاتىسۋعا مىڭنان استام ادام نيەت بىلدىرگەن. ولاردىڭ قاتارىندا جوعارى وقۋ ورىندارىنىڭ ۇجىمدارى مەن ستۋدەنتتەرى جانە قالا تۇرعىندارى بار.
شارا بارىسىندا ريو وليمپياداسىنىڭ كۇمىس جۇلدەگەرى, دزيۋدودان حالىقارالىق دارەجەدەگى سپورت شەبەرى ەلدوس سمەتوۆ, قازاق كۇرەسىنەن الەم چەمپيونى, حالىقارالىق دارەجەدەگى سپورت شەبەرى داۋلەت پاحرەدينوۆ جانە الەمدىك, رەسپۋبليكالىق سپورت دودالارىنىڭ جەڭىمپازدارى مارافونعا قاتىسۋشىلارىمەن بىرگە تاڭعى جاتتىعۋ جاسايدى.
«بۇل مارافون جاستاردىڭ سپورتپەن تۇراقتى اينالىسۋىنا زور مۇمكىندىك بەرەدى. سول ءۇشىن بارشاڭىزدى شاراعا قاتىسۋعا شاقىرامىز. جالپى تاراز مارافوندى قولداپ وتىرعان ءتورتىنشى قالا. ماقساتىمىز – «ەكسپو-2017» حالىقارالىق كورمەسىن ناسيحاتتاي وتىرا, ءوڭىر جاستارىنىڭ سپورتقا قۇلشىنىسىن ارتتىرۋ, تۇرعىندار اراسىندا بۇقارالىق سپورت ءتۇرىن دامىتۋ», – دەيدى جارىس ۇيىمداستىرۋشىلارى.
جەڭىمپازدار 5 اتالىم بويىنشا ماراپاتتالادى. مارافون سوڭى پەداگوگيكالىق ينستيتۋتتىڭ ونەر ۇجىمدارىنىڭ گالا-كونتسەرتىنە ۇلاسادى.
