مەملەكەتتىك قىزمەت سالاسىنداعى زاڭنامانىڭ, قىزمەتتىك ادەپتىڭ ساقتالۋىن جانە مەملەكەتتىك قىزمەتتەر كورسەتۋ ساپاسىن باقىلاۋدى جۇزەگە اسىرۋ اگەنتتىككە جۇكتەلگەن مىندەتتەردىڭ ءبىرى بولىپ تابىلادى.
جىل باسىنان بەرى 52 تەكسەرۋ جۇرگىزىلىپ, مەملەكەتتىك قىزمەت جانە كورسەتىلەتىن مەملەكەتتىك قىزمەتتەر سالاسىنداعى زاڭنامانىڭ 2 467 رەت بۇزىلعاندىعى انىقتالدى. بۇل بۇزۋشىلىقتار بويىنشا ولاردى جويۋ جانە كىنالى تۇلعالاردى جاۋاپكەرشىلىككە تارتۋ جونىندە شارالار قابىلدانۋدا.
جوسپاردان تىس تەكسەرۋ ناتيجەلەرى بويىنشا 103 ازاماتتىڭ قۇقىقتارى قالپىنا كەلتىرىلىپ, 191 مەملەكەتتىك قىزمەتشىگە تارتىپتىك شارا قاراستىرىلدى. سونىمەن قاتار, ۇستىمىزدەگى جىلدىڭ 4 ايىندا 55 لاۋازىمدى تۇلعا اكىمشىلىك جاۋاپكەرشىلىككە تارتىلدى. بۇل رەتتە, وتكەن جىلدىڭ وسى كەزەڭىمەن سالىستىرعاندا اكىمشىلىك ىستەردىڭ سانى 7 ەسە وسكەن.
مەملەكەتتىك قىزمەتكە كونكۋرس-
تىق ىرىكتەۋ ءراسىمىن, قارجىلىق باقىلاۋ شارالارىن, كورسەتىلەتىن مەملەكەتتىك قىزمەتتەردىڭ مەرزىمىن بۇزعان, سونداي-اق, مەملەكەتتىك قىزمەتتەن قۇقىققا سايكەس بوساتپاعان بىرقاتار تۇلعالار اكىمشىلىك جاۋاپكەرشىلىكتەن اينالىپ وتە العان جوق.
ۇستىمىزدەگى جىلدىڭ 1 مامىرىنداعى جاعداي بويىنشا اگەنتتىكتىڭ اكىمشىلىك وندىرىستەرى بويىنشا بيۋدجەتكە 2 ملن 445 مىڭ تەڭگە ءتۇستى. وسىلايشا, مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىندە قابىلدانعان شارالار مەملەكەتتىك قىزمەتتە جوعارىدا كورسەتىلگەندەي باعىتتاعى بۇزۋشىلىقتار سانىن قىسقارتۋعا ىقپال ەتۋدە.
«ەگەمەن-اقپارات»
