ونىڭ ايتۋىنشا, قۇجاتتا كولەڭكەلى ەكونوميكا, جۇيەلەنگەن جەڭىلدىكتەر شارالارى قاراستىرىلىپ, جەر قويناۋىن يگەرۋشىلەرگە ىنتالاندىرۋ ۇسىنىلادى. سونىمەن قاتار شوب پەن اگروونەركاسىپتىك كەشەن سۋبەكتىلەرى شارتتارى جەڭىلدەتىلەدى.
"سالىق كودەكسىن وڭتايلاندىرۋدىڭ جولى دايىندالدى. مۇنداعى يدەولوگيا بويىنشا ادال كاسىپكەرلەردى قورعاۋ باسشىلىققا الىنادى. بىرىنشىدەن, بارلىق تۇسىنىكسىز جانە انىق ەمەس جەرلەر سالىق تولەۋشىگە تۇسىندىرىلەدى. بۇل سالىقتىق داۋلاردىڭ الدىن الادى", - دەيدى ۆيتسە-مينيستر.
ونىڭ ايتۋىنشا, ەكىنشىدەن, ەگەر سالىق تولەۋشى سالىق ورگانىنىڭ ءتۇسىندىرۋى بويىنشا جۇمىس ىستەگەن بولسا, پەنيا مەن ايىپپۇل سالىنباۋ ۇسىنىلعان.
ۇشىنشىدەن, ەندى سالىق ورگاندارىنىڭ تەكسەرىلۋى نەگىزدى بولۋى كەرەك.
تورتىنشىدەن, بيزنەستىڭ جاڭا زاڭدى ۇيرەنۋىنە جەتكىلىكتى ۋاقىت بەرىلەدى. تۇزەتۋلەر 1 شىلدەگە دەيىن قابىلدانۋ ۇسىنىلۋدا.
بەسىنشىدەن, قۇجاتتى ءبىر جىل بويى قاپتاعان تۇزەتۋلەردەن بوساتۋ ۇسىنىلۋدا. وسىلايشا, ءبىر زاڭ تۇراقتى ورناۋىنا ۋاقىت بەرىلمەك.
