شاراعا يسلام, حريستيان, يۋدايزم, بۋدديزم, داوسيزم, سينتويزم, ءيندۋيزمنىڭ جوعارى مارتەبەلى وكىلدەرى, سونداي-اق بىرقاتار حالىقارالىق ۇيىمداردىڭ باسشىلارى, ونىڭ ىشىندە بۇۇ وركەنيەتتەر اليانسىنىڭ ديرەكتورى مەتيۋ حودس, دۇنيەجۇزىلىك بەيبىتشىلىك حابارشىسى كەڭەسى باس حاتشىسىنىڭ پيچاي توۆيۆيچ, بىرىككەن اراب امىرلىكتەرى تولەرانتتىلىق ماسەلەلەرى جونىندەگى ءمينيسترىنىڭ كەڭەسشىسى راشيد ءال-تۋنايدجي قاتىستى.
قازاقستان رەسپۋبليكاسى پارلامەنتى سەناتىنىڭ توراعاسى, سەزد حاتشىلىعىنىڭ باسشىسى قاسىم-جومارت توقاەۆ وتىرىستى اشا كەلىپ, دىنارالىق ءوزارا تۇسىنىستىكتى نىعايتۋ ىسىندەگى پرەزيدەنت نۇرسۇلتان نازارباەۆتىڭ باستامالارىنا قولداۋ بىلدىرگەنى ءۇشىن شاراعا قاتىسۋشىلارعا ريزاشىلىعىن ءبىلدىردى.
«الەمدىك جانە ءداستۇرلى دىندەر ليدەرلەرىنىڭ سەزىن شاقىرۋ تۋرالى قازاقستاندىق باستاما شەڭبەرىندە نىعايىپ كەلە جاتقان ۇنقاتىسۋ فورۋمنىڭ اينالاسىنا مۇددەلى قاتىسۋشىلاردى كوپتەپ تارتۋدا. مەملەكەت باسشىلارى, حالىقارالىق ۇيىمداردىڭ جەتەكشىلەرى, تانىمال ساياسي جانە قوعام قايراتكەرلەرى, عىلىمي قوعامداستىق پەن ازاماتتىق سەكتور وكىلدەرى ءدىني كوشباسشىلاردىڭ ۇنقاتىسۋداعى تىكەلەي سەرىكتەستەرىنە اينالدى», دەدى قاسىم-جومارت توقاەۆ.
سونداي-اق, ءدىني جانە ساياسي قايراتكەرلەردىڭ ديالوگىن نىعايتۋ جونىندەگى كۇش-جىگەر ەرەكشە اتاپ ءوتىلدى. ق.توقاەۆ وتكەن جىلعى مامىردا استانادا ءتۇرلى ەلدەردىڭ پارلامەنتشىلەرى, سەزد حاتشىلىعىنىڭ مۇشەلەرى جانە ساراپشىلاردىڭ قاتىسۋىمەن «دىندەر تەرروريزمگە قارسى» كونفەرەنتسياسى وتكەنىن ەسكە سالدى.
سەنات توراعاسى بيىلعى ناۋرىزدا سانكت-پەتەربۋرگتە وتكەن حالىقارالىق تەرروريزم جونىندەگى پارلامەنتتىڭ كونفەرەنتسيادا ەقىۇ جانە تمد پارلامەنتتىك اسسامبلەيالارىنىڭ كوپتەگەن دەپۋتاتتارى كەزەكتى VI سەزگە قاتىسۋعا ىقىلاس بىلدىرگەنىن حابارلادى.
ق.توقاەۆ الەمنىڭ كوپتەگەن ايماقتارىنداعى تەكەتىرەستەر مەن يادرولىق قارۋدىڭ تارالۋ قاۋپىنە بايلانىستى جاھاندىق ساياسي دۇربەلەڭدەر كورىنىستەرى كۇشەيىپ كەلە جاتقانىنا نازار اۋداردى. «كوپتەگەن ەلدەردە الەمدىك ءتارتىپتى قۇلدىراتۋ, كسەنوفوبيانى ءورشىتۋ, ەتنوستىق-ءدىني بەلگىلەر بويىنشا كەمسىتۋ قاۋپىنە ۇشىراتاتىن پوپۋليزمگە ۇمتىلۋ ءۇردىسى شەگىنە جەتىپ تۇر. جەر بەتىندەگى وركەنيەتتىڭ بارلىق جەتىستىكتەرىن جوق قىلا الاتىن جاھاندىق ەكونوميكالىق, الەۋمەتتىك جانە ەكولوگيالىق پروبلەمالار دا پلانەتامىزدىڭ قاۋىپسىز بولاشاعىنا قاتەر توندىرۋدە», دەدى قاسىم-جومارت توقاەۆ.
ق.توقاەۆ ءوز سوزىندە ۋاقىت الدىمىزعا قويىپ وتىرعان كوپتەگەن سىن-قاتەرلەرگە وتكەن جىلعى دۇنيەجۇزىلىك يادرولىق قاۋىپسىزدىك جونىندەگى سامميتتە پرەزيدەنت ن. نازارباەۆ جاريالاعان «الەم. ءححى عاسىر» مانيفەسىنەن جاۋاپ تابۋعا بولاتىنىن ايتتى. توراعانىڭ پىكىرىنشە, VI سەزگە قاتىسۋشى ءدىني جانە ساياسي وكىلدەردىڭ ونى تالقىلاۋى – ءبىزدى قاۋىپسىز جانە ادىلەتتى الەمدى قۇرۋداعى ىزدەگەن ماقساتىمىزعا جاقىنداتا تۇسەدى.
ق.توقاەۆ ءسوز سوڭىندا: «قازىرگى الەمدە ءدىن ليدەرلەرىنىڭ ءرولى اسا ماڭىزدى. حالىقارالىق وتكىر ماسەلەلەردى شەشۋدە سىزدەرگە كوپ نارسە بايلانىستى. ءبىز ورتاق كۇش-جىگەرىمىزبەن دىندەر مەن وركەنيەتتەردىڭ شىنايى تەكەتىرەستەرىنە جول بەرمەۋىمىز كەرەك. سىزدەرگە, ءدىن كوشباسشىلارىنا بۇكىل الەم زور ۇمىتپەن قاراپ وتىر», دەپ اتاپ ءوتتى.
حاتشىلىق وتىرىسىنا قاتىسۋشىلار الەمدىك جانە ءداستۇرلى دىندەر ليدەرلەرىنىڭ ءVى سەزىن 2018 جىلعى 10-11 قازاندا وتكىزۋ تۋرالى شەشىم قابىلدادى. بۇل فورۋمعا ازىرلىك بارىسى تۋرالى جان-جاقتى پىكىر الماسۋ ورىستەدى.
سىرتقى ىستەر ءمينيسترىنىڭ ورىنباسارى ەرجان اشىقباەۆ شاراعا قاتىسۋشىلارعا بۇۇ قاۋىپسىزدىك كەڭەسىندەگى قازاقستاننىڭ باسىمدىقتارىن تانىستىردى.
وتىرىس اياسىندا الەمدىك دىندەر وكىلدەرى «شاپاعات» مەدالىمەن جانە قازاقستان رەسپۋبليكاسىنىڭ تاۋەلسىزدىگىنىڭ 25 جىلدىعى قۇرمەتىنە ارنالعان مەدالمەن ماراپاتتالدى.
