جىل سايىن ۆەلوجارىسقا 2500 ادام قاتىسادى, ونىڭ ىشىندە كاسىبي جانە اۋەسقوي شاباندوزدار بار. قاتىسۋشىلار 10 شاقىرىم 500 مەتر قاشىقتىقتى قابانباي باتىر كوشەسى ارقىلى, ارى قاراي قورعالجىڭ تاسجولى, تۇران داڭعىلى ارقىلى ءجۇرىپ ءوتۋ كەرەك جانە مارە «استانا-ارەنا» ستاديونى جانىندا بولادى.
قاتىسۋشىلاردى تىركەۋ تاڭەرتەڭ ساعات 8:00-دە جۇرگىزىلەدى. ال, ساعات 9:00-دە قابانباي باتىر كوشەسىندە «استانا-ارەنا» ستاديونىنا قاراما-قارسى جەردە جارىس باستالادى. قاتىسۋشىلارعا ۆەلوسيپەدتى جالعا الۋعا مۇمكىندىك جاسالادى.
بۇقارالىق ۆەلوجارىس وتكىزۋ بارىسىندا جوعارىدا اتالعان كوشەلەر جابىلادى.شارانى قازاقستان ۆەلو سپورتى فەدەراتسياسى, استانا اكىمدىگى, «استانا قالاسى اكىمدىگىنىڭ سپورتتىق-بۇقارالىق شارالاردى وتكىزۋ ديرەكتسياسى» كمم, «سامۇرىق-قازىنا ۇااق» اق ۇيىمداستىرۋدا. ۆەلوجارىس ASU جانە Astana Bike قولداۋىمەن وتكىزىلەدى.
